蓮香居 (已結業)

是日同事生日，一行9人到此飲茶。由於一早已訂台，故此無須等位。一坐下已迫不及待出去攞野食，同事都讚間酒樓懷舊得黎又有特色，d野款式多又好食，尤其個蛋撻真系好好味！我地又點左個招牌鴨,要成$180，但個味道就吾系好arm我地，入面包住d蛋黃同蓮子好似食粽甘。埋單價錢亦非常合理，大點點心都系16蚊，又吾使加一，真系比中環d酒樓實惠好多！