影片
更多
2021-01-30
50 瀏覽
我試咗啦!提起古早蛋糕，我相信大家都試過，簡直同市面上嘅 雪芳蛋糕冇分別。 但係之前試過喜喜源古早蛋糕， 就令我對古早蛋糕嘅印象徹底改觀，真係想講"好好味呀""好好味呀""好好味呀"(^重要嘅說話講三次。)唔係講笑，當你睇到佢哋新鮮出爐嗰陣，清香嘅蛋糕味 飛撲埋嚟 ， 真係令人口水流 ，喺店外排緊隊嘅人、 舖頭門口嘅小販攤檔檔主 都聞到。仲有最特別嘅地方係，每件蛋糕都會"動L"，喺度彈，喺度跳，但係都唔會倒下來，真係非常吸引。嘩!唔講得笑㗎!返到屋企睇清楚，試清楚，先發覺 喜喜 源嘅古早蛋糕真係真材實料。第一，從外觀出發。 我屋企樓下買古早蛋糕，都會千方百計搵件冇燶邊、冇燶底嘅，但係去喜喜源嗰度買，就唔需要擔心呢個問題。因為佢哋每一件都係完美嘅金黃色，絕對沒有燶邊燶底呢方面嘅問題。 點解可以做到件咁完美嘅古早蛋糕?全因喜喜源古早蛋糕，採用低溫烘焙嘅方式去焗製。店主真係好有心!喺宜家強調效率嘅社會，樣樣都係快，但係佢哋仍然有呢種心意，願意花更多時間用低溫烘焙去焗出高質素嘅蛋糕。因為呢一種嘅心思，真係令我好佩服 、欣賞喜喜源古早蛋糕。第二鬆軟程度。 由我拎住件蛋糕返屋企都要一個鐘頭嘅時間，
提起古早蛋糕，我相信大家都試過，簡直同市面上嘅 雪芳蛋糕冇分別。 但係之前試過喜喜源古早蛋糕， 就令我對古早蛋糕嘅印象徹底改觀，真係想講"好好味呀""好好味呀""好好味呀"(^重要嘅說話講三次。)
唔係講笑，當你睇到佢哋新鮮出爐嗰陣，清香嘅蛋糕味 飛撲埋嚟 ， 真係令人口水流 ，喺店外排緊隊嘅人、 舖頭門口嘅小販攤檔檔主 都聞到。仲有最特別嘅地方係，每件蛋糕都會"動L"，喺度彈，喺度跳，但係都唔會倒下來，真係非常吸引。
嘩!唔講得笑㗎!返到屋企睇清楚，試清楚，先發覺 喜喜 源嘅古早蛋糕真係真材實料。
第一，從外觀出發。 我屋企樓下買古早蛋糕，都會千方百計搵件冇燶邊、冇燶底嘅，但係去喜喜源嗰度買，就唔需要擔心呢個問題。因為佢哋每一件都係完美嘅金黃色，絕對沒有燶邊燶底呢方面嘅問題。 點解可以做到件咁完美嘅古早蛋糕?全因喜喜源古早蛋糕，採用低溫烘焙嘅方式去焗製。店主真係好有心!喺宜家強調效率嘅社會，樣樣都係快，但係佢哋仍然有呢種心意，願意花更多時間用低溫烘焙去焗出高質素嘅蛋糕。因為呢一種嘅心思，真係令我好佩服 、欣賞喜喜源古早蛋糕。
第二鬆軟程度。 由我拎住件蛋糕返屋企都要一個鐘頭嘅時間，但係件蛋糕仍然挺身， 冇凹落去 。 一件凍咗嘅蛋糕 ，用手指撳落去 仍然識得彈返上嚟， 證明咗起起源嘅古早蛋糕唔只係熱辣辣嗰陣時鬆軟，拎到返屋企，凍咗都一樣keep得住咁高嘅品質。
第三，濕潤程度。 當你將件蛋糕放入口，你就會覺得件蛋糕隨即溶係你個口度。簡直就係入口即溶。當你吞落去，佢就會好順暢流落去個喉嚨，唔會話食到你乾噌噌，件蛋糕"漿"住喉嚨，果種 唔上唔落 ，好辛苦嘅感覺。
第四， 雞蛋香味。古早蛋糕最著重雞蛋香味。當你食入口，就會有一陣蛋香味喺口腔入面出來，即使過咗一陣，嗰陣蛋香味仍然喺喉嚨度纏繞，有種繞樑三日嘅感覺。最重要一點，就係食落口，唔會有種蛋腥味。後來睇番報道，原來師傅係採用最上乘嘅湖北雞蛋，唔怪得蛋香味咁香濃 ，質素咁高啦!
講個故事你聽啦， 我將件蛋糕切碎，畀屋企老人家食，佢哋以為我畀緊炒滑蛋佢哋食，咁香咁滑。 可見佢哋嘅古早蛋糕真係咁香濃細滑，可以比得上炒滑蛋。
最後不得不讚，喜喜源古早蛋糕 每日都有好多種唔同嘅口味，而且日日新鮮，絕對唔會留隔夜。例如鹹蛋拉絲芝士、特級骯髒朱古力、紅豆蓉、斑蘭、杏汁杏仁、檸檬柚子等等， 真係可以每一日都試到唔同嘅口味㗎。 仲有佢哋每日都會upload當日嘅味道上社交平台話你知， 又可以預先打電話去預訂，咁貼心嘅服務， 真係全搵勻全香港都搵唔到第二間好似喜喜源古早蛋糕咁樣嘅服務!
下次去開深水埗，我會想試喜喜源古早蛋糕的巨無霸，一種由芋泥夾紫薯嘅味道。
總之，試過喜喜源古早蛋糕，令你畢生難忘，像極了愛情......
張貼