新海粥品 (已結業)

新海粥店雖然新開，但原本鋪位都係粥品店。本身自己不嬲都係食開以前果門粥品店，有感情麻，唔會輕易轉架步。新海成功吸引到我呢個舊鋪的粉絲。大角咀舊區黎講，仲要賣傳統粥，環境唔好抱太大期望就唔會失望，新海算乾淨，但只限於傳統粥店比較之下。我叫左艇仔粥加蘿蔔糕，蘿蔔糕是蒸的份量好多，有一個成年人拳頭咁多，賣相不錯，但味道比較淡，唔香又冇蘿蔔味，有少少失望，煎的比蒸好吃好多，由於味道淡我加了甜醬就將所有蘿蔔糕味頭蓋過了....艇仔粥，所有應該有都有晒，夠味道，夠熱，攪拌下碗粥，材料在粥內其實仲有少少生生地，攪拌多幾下先食得，其實呢種生生地先係剛剛好，唔似連鎖粥店其實過曬火位。尤魚唔會太碎太細粒，彈牙正。其他材料都好有味，粥底味精應該唔多，因為唔覺口渴。