新海粥品 (已結業)

叫咗呢間粥店嘅外賣，皮蛋瘦肉粥正常、蔥花蝦米腸啲醬臭臭地、而最大鑊係炒麵，超級非常極之難食，鹹到不得了，腎都虧⋯⋯除非大家想浪費金錢，或者想食超級鹹嘅炒麵，千萬唔好食炒麵。好想話俾老闆知個炒麵極之難食。

一個人食晏。今日唔太有胃口，太重味又唔想。到呢間食開的粥店，點了三餸（菜另送）湯飯，慢慢食。呢幾天秋涼，粥店比大夏天時多返人。環境一樣，算整潔。叫了鮮牛、魚片、支竹+菜心湯飯，其實係四餸，共$40。唔錯，清清地，湯到枱堅滾，要放涼一點才可食。大熱湯，立即做，正！最怕食湯飯啲湯唔熱。牛肉夠嫩，冇筋；鯇魚片分量多；支竹好鮮，有豆味；菜心好嫩，堅菜心，冇渣。紅椒豌油另上作調味。另外，唔愛飯的話又可換米粉或出前一丁（不用另加錢）。還有，店員見我大肚，特別安排全店最自成日壐的座位俾我，服務細心！同場有$27/29粥餐，好多街坊白領捧場客。等我另一日食粥餐再寫食評。總結：有米氣清淡的平靚正之選。

Overall verdict: Great Hong Kong style breakfast! Super fresh ingredients and value for money!What we ordered:1. 艇仔粥 (little boat congee)2. 炸兩 (fried dough wrapped with a rice sheet)3. 蒸蘿蔔糕 (steamed turnip cake)4. 牛肉腸粉 (beef wrapped in rice sheet)5. 豆漿 (soy bean milk)The congee contained squid and fish bits. The congee was smooth, packed with flavour and topped with chives.The 炸兩 was fresh and crispy and the rice sheet was smooth and not too thick. The peanut sauce was a little too watered down

今日為朋友唔舒服，經過E到就去左食粥。E間野都平的，一個粥加小食(炒麵/粉米/蘿蔔糕/+2轉炸兩) 我地4個人叫左3個餐，加一碗湯同一個鹹肉粽粥餐有$26(普通)，餐$29(有鹹蛋or皮蛋)我就叫左艇仔粥份量就一般，碗艇仔粥冇花生，平時食果D艇仔粥會有花生；而且餸都比較少但炒麵，炸兩同蘿蔔糕又唔錯，份量就正常

好鍾意食呢度，貪佢平靚正，雖然唔係話成日會黎到幫趁，但經過都會整翻兩碟。家下世界經濟環境到處唔多討好，呢個價錢救翻好多貧困既打工仔，食到飽曬，剛好廿蚊，清下腸胃確係耍家。先講碟炒布，不過十蚊雞，但唔係俾碟齋面你，已經幾有良心，我落幾下醬汁，即刻化腐朽為神奇。碟腸粉又係十蚊咋，我一夾幾乎滑落，因為我夾唔住喇！比我金魚記憶中的依稀記得更加滑喎，估佢唔到。後記：生意難做，好似裝修過後加左1蚊，但已經好合理啦！

以往店員的態度都很好，很親切，環境舒服，食物價格便宜，最近兩次到來，都遇到另一個態度不好的阿姐。上次我叫落單，個阿姐好遠位置大聲叫我：‘’講啦，落單嗌得咖啦！‘’我心諗：ok好多小店都係叫出來的。今次我和孩子在中午繁忙時間12：30坐低，到孩子快食完，突然個阿姐過嚟收碟，我話未得，佢就開口話，叫我小朋友食快啲，食成兩個鐘！但當時才13：10，又話食咁慢，兩點後俾你食三個鐘都得。這是甚麼態度，我回應，我坐低才半小時多，又就快食完。但個阿姐依然堅持很多人食飯，我坐成2個鐘。之後當然加快進度，快快離場，我也不想佔人座位的，但感受實在不好，一家原本好好的食店，有這樣的職員真可惜。

做左open rice會員咁多年，第一次遇到咁差既服務態度，呢間店我唔係第一次食，本身平日既態度都麻麻，但係今次的遭遇真係忍唔住要上黎分享下今朝去呢間粥店坐低準備叫餐，見到d待應走黎走去唔知忙d咩，但其實當時全店只有4個客人，等左好一陣，終於有個啊姐A係廚房位大聲問‘要d咩？’ 啊姐A講完就從廚房拿外賣俾門外的客人，由於我今朝喉嚨痛，我等她經過我桌子前叫左個艇仔，但我話沒說完，她又走回廚房位，跟著佢又大聲喊‘得艇仔？’ 我唔出聲，我把聲叫唔到咁遠，直至終於有另一個啊姐B站到我桌子前問‘仲有無其他野？’ 先幫我落埋蝦米腸、熱豆漿同埋俾張手寫收據我跟著戲肉黎啦，啊姐A把艇仔送到我桌子前黑口黑面講，對話如下：啊姐A: ‘落單就嗌出黎啦’我：‘你走來走去，加上我喉痛，點嗌出黎？’ 啊姐A: ‘呢度個個都咁落單，那位啊叔都係咁落單，我地咁忙，邊會停係度幫你落單’ 她指著坐係廚房位果邊個客人我：‘我走遍全世界都無見過有人咁落單同埋咁樣既服務態度’啊姐A：‘呢度係咁樣架啦’說完她就走開了，而我都嘗試左呢世人第一次沒用餐就生氣離開一間店奉勸各位要入去食野，就要預左佢地走來走去咁落單，一張單要分開幾次

下午吃太飽 晚餐打覺吃輕巧點選了吃粥 卻換來一肚氣 晚上店較多人 職員安排搭枱 自然是和不認識的分開坐 一手還要抱著袋 點好餐 一個女職員就駡我們不要坐路中心 天地良心 坐位由店安排的 食客也不介意了 結果 2個人一起吃 卻分別貼著陌生人食 她才滿意 近30元看似便宜 但要想真 只是粥呀 不能和附近別的店比呢

大角咀其中一個平食之選！新海除咗弱品比大師傅好之外，佢仲有個抵食湯飯，32蚊兩餸連菜，或者加多個餸37蚊。份量都算大，料又足，不過唔好點豬腰，其他餸都ok! 菜有蕃茄、芥蘭、莧菜、生菜畀你揀，抵食啦！

我總共來食過3次。一次食粥，老公不太喜歡。第二次食湯飯，還可以，因為佢37蚊三餸，仲可以選多個西洋菜，做湯飯底一流。第三次，見有人介紹食蠔仔粥，所以今次又比個機會佢試下，原來都 好惹味，蠔仔又多，我喜歡 芫茜，蔥之類的，它又好多。所以都幾岩我口味。但唔喜歡的人記得自己叫走葱啦~但唔喜歡佢d 枱枱櫈櫈擺法，d人會不知不覺靠邊坐，中間好多空位，感覺會冷清d，所以老闆整迫d高朋滿座感覺，可能仲吸引人入。同埋成日都覺得張枱未擦乾淨。

潮式蠔仔粥唔係間間整得好食😗，既要蠔仔新鮮大隻，又要粥夠入味真係可遇不可求😳😳～天時暑熱原本諗住求其搵間湯飯食下，但呢度竟然有蠔仔粥～在下緊係唔放過呢個機會啦😬～---------------------大大碗蠔仔粥🍲蠔仔好多～而且都幾大隻～粥食得出係有煮過，唔似好多潮式鋪淨係煮好個「蠔湯」再倒碗飯落去😂😂飯又硬又唔入味⋯呢度嘅粥就索晒蠔仔嘅香味，仲有土魷同冬菜嘅味道，加埋非常多嘅芫茜，整體係超級香的說～好味指數😋：8/10翻啅指數🙆🏻：7.5/10人均消費💰：10-99服務態度👨🏼‍🍳：7.5/10乾淨指數🌝：7/10------------------------------

炒面便宜到不得了，比大x樂好x倍，才不過是9元正，真的破天荒平到笑抗曬通漲，慣常每次都點二樣粥品，今天有下場節目，也就只好乖乖留肚子了。面好簡單，但炒得干身不糊口，配料例牌正正常常，價錢就是美。後記：原來人天生也存貪念，明明吃一碟已好能裹腹，偏偏每每點上兩大碟加個腸粉感濟才滿意。

休息天同好友去完圓方睇好好睇既愛的成人式，睇完返返去大角咀搵食食個下午茶！今次係第三次黎食，餐廳食物種類都幾多下嫁，雖然唔餓，但難得一來，忍唔住叫晒想食既兩樣：炸兩12油炸鬼幾脆下，無因為腸粉皮包住而淋身，腸粉亦都幾細滑，軟硬參半，店子加入不太咸而足夠的豉油，十二舊的size，下午茶來說，作為一個小女生好滿啦！炒面9大大碟完全沒有欺場，係傳統既粥品店先做到既價錢同味道。除了份量取勝討好外，面身沒有煮得太軟身，還堅持了嗰份咬口，加了少少銀芽同香蔥就已好美味，簡單卻很好！兩樣美食我加入大量甜醬辣醬麻醬同芝蔴，加完後賣相一流，味道更勝一籌，香口飽肚。

路過看見這間店的粥很便宜,所以午餐叫了一個套餐來吃我要了一碗艇仔粥加腸粉,套餐價也只是$22,十分便宜,外賣加$1,所以是$23我先吃腸粉,分量不多,但味道還行;而艇仔粥很熱,吃的時候要小心,內裡的材料很多,有碎牛肉,豬皮,魷魚等,粥的味道也很鮮,味道不錯

新海粥店雖然新開，但原本鋪位都係粥品店。本身自己不嬲都係食開以前果門粥品店，有感情麻，唔會輕易轉架步。新海成功吸引到我呢個舊鋪的粉絲。大角咀舊區黎講，仲要賣傳統粥，環境唔好抱太大期望就唔會失望，新海算乾淨，但只限於傳統粥店比較之下。我叫左艇仔粥加蘿蔔糕，蘿蔔糕是蒸的份量好多，有一個成年人拳頭咁多，賣相不錯，但味道比較淡，唔香又冇蘿蔔味，有少少失望，煎的比蒸好吃好多，由於味道淡我加了甜醬就將所有蘿蔔糕味頭蓋過了....艇仔粥，所有應該有都有晒，夠味道，夠熱，攪拌下碗粥，材料在粥內其實仲有少少生生地，攪拌多幾下先食得，其實呢種生生地先係剛剛好，唔似連鎖粥店其實過曬火位。尤魚唔會太碎太細粒，彈牙正。其他材料都好有味，粥底味精應該唔多，因為唔覺口渴。