蜜庵本膳 (已結業)

約左朋友係尖沙咀呢頭行街，lunch 時候見到呢間日式料理店面唔錯就試下。蜜庵本膳裝潢好日系，簡單既佈置令人有種舒服既感覺。我地分別點了兩個「自選三主菜定食」。小妹就點了健康嘅「十穀飯」十「三文魚牛油果香芒沙律」十「安格斯肉眼」及「青酒煮藍青口」，另外追加了可樂餅。雖然睇落分量唔算太大，不過勝在選擇多，而且營養均衡，所以都好飽肚。可樂餅炸得好香脆，而且唔會有油膩感。青口分量好足，而且都幾鮮味。三文魚香芒沙律中既芒果都好好味。安格斯肉眼就唔算大件，不過食落都ok。當中既調味幾好，可以帶出牛肉既層次。而朋友就選了「豆腐拌菠菜」十「野菜鍋」，同小妹有少少唔一樣。豆腐相對比較清炎，調味略遜。不過就幾健康。野菜鍋反而幾有驚喜，清新又顏色吸引。安格斯牛肉就相對比較肥了。沙律菜都幾新鮮。當中配既雪糕就幾吸引啦。雪糕用豆腐製成，味道好清新，而且無落牛奶整。素食者都岩食。