Give Me 5 (已結業)

今日返工食lunch, 就去左附近既give me 5，係樓上餐廳，有飛標同埋桌球玩，環境好大都埋乾淨。我叫左一個lunch set，配埋沙律吧，餐湯，雪糕，同埋水果，好豐富。香煎比目魚意大利粉配白酒忌廉汁比目魚煎得金黃香脆，口感豐富，好香比目魚味，配上白酒忌廉汁，唔油膩亦都唔過份飽肚。一旁既意粉亦都有用心機，用牛油炒得好香，口感剛好唔過硬/過軟。餐湯竟然係中湯，有d出乎意料之外，係紅蘿蔔湯，健康又清熱。沙律吧更加出乎意料豐富，好多款式選擇，除左不同既沙律菜，仲有鴨胸、三角脆、青瓜、蓮藕、炸麵包、各種配料，應有盡有，想食下水果仲有西瓜等等清下，十分健康。通常出街食野都冇禁多菜食。