原作養生湯米線

營業中

休息中

今日過去黃埔嗰邊探中學同學，順便同佢食個lunch，唔過嚟真係唔知道原來哩邊開咗咁多舖頭。因為朋友係個健康主義者，所以我哋今次專登揀左哩間養生湯米線嚟食。餐廳環境相當寬敞，用左木製桌椅同埋吊燈，成個感覺都幾舒服。餐牌上面有好多選擇，值得一讚嘅係哩到既湯底係每日新鮮熬製，無加味精，而枱面上仲放有辣椒油、醃蘿蔔及辣菜甫，可以自己用嚟調味。🎈蟲草花膠雞湯米線🍜湯底清甜，雞味濃郁唔油膩，配有蟲草花及花膠，花膠有三大塊，煮得軟腍，雞肉新鮮嫩滑，米線爽滑，係清淡健康之選。🎈油醋海蜇花海蜇爽脆，味道微辣帶酸，幾開胃。🎈原隻紅蝦龍皇湯泡飯🦐湯底濃郁鮮甜，飲落去有好重既海蝦味，配料有粟米、花甲、帶子及海蝦。花甲新鮮無腥味，紅蝦夠大隻，啖啖肉，泡飯配澳洲脆米，口感更豐富，推薦👍🏻🎈黃金雞翼🐔雞翼蘸上咸蛋黃，咸蛋黃味香濃，雞翼唔厚粉，唔乾身，表皮香脆，幾惹味。🎈洛神花茶🌸洛神花茶味道酸酸甜甜，個人幾鍾意。🎈檸檬柑桔🍊檸檬柑桔微酸，幾開胃，味道較清，唔鍾意飲太甜既可以揀哩個。整體黎講，哩間餐廳既食物份量十足，健康好味，性價比真係幾高，黎開哩邊都可以試下。