常歡笑 (已結業)

中國人冬大過年， 人人都會為冬至預備最好的晚餐給家人。而我因為工作關係， 唯有搵外援 加餸  位於人流不絕的威靈頓街, 鋪仔細細以外類賣為主。主打燉老火湯， 大廚更將夠貴食材入饌， 包括紐西蘭28頭鮑魚、野生花膠等。 還有針對中環上班一族的午餐,例如蒸飯、蝦籽撈麵等，不算太多選擇，貴精不貴多。 等湯期間有小小肚餓， 點了兩粒鮑魚燒賣$25/粒燒賣是即叫即點，等侯時間約10分鐘。將原隻鮑魚仔放在豬肉燒賣上，無論視覺和味覺同時提升到另一層次。 豬肉質感如手打一樣， 扎實夠彈牙，鮑魚仔鮮香入味, 口感適中，一口一粒，超味美。我的心水選擇是養顏燉湯 $88以透明外賣碗載著燉湯， 保溫度是零， 但拎到返屋企就可以自行加熱。 燉湯材料豐富，有 瑤柱、蓮子、圓肉、雞、瘦肉、冬菇和大花膠等。 花膠滋陰養血，最開心是花膠夠大塊，口感軟稔中帶小小爽口。湯頭清澈，鮮味濃甜，順喉如家的靚湯。  星級海南雞飯$98份量相當足夠，雞件覆蓋著雞油飯, 排得密密。啡黃色雞皮看似豉油雞， 雞皮彈牙可口 ，肉質尚算細滑， 富雞肉香； 配上油潤而不肥膩香油飯， 其蒜味、香茅味也突出, 水準的確不俗，付齊三色醬，更加分。