火鍋撚 (雲明行) (已結業)

養生鍋都興咗一排，雖然未到冬天，但已經好想打邊爐！今晚同朋友係中環食嘅呢間火鍋撚出名食養生鍋，秋風起可以滋潤下。見到好多枱客人都食麻辣鍋，好香好吸引～但我同朋友都唔想爆瘡，決定忍下口，叫咗蜂巢豆腐白湯，除咗有自家製嘅蜂巢豆腐，湯底係用咗雞湯＋豬骨湯＋新鮮蔬果湯，再加牛乳，味道香滑。除咗基本藥膳之外，仲加入咗原條人蔘，用料夠豐富。一開始以後得麻辣鍋先有鴨血，原來呢個湯底都有，仲係無限添加～藥材味幾濃，但又唔會搶晒食物嘅味道👍🏻梅花豬肉（$93）💖賣相好靚，卷到好似玫瑰花咁🌹份量多，價錢合理，口感好爽滑，推介！桂花蚌（$94）口感比較滑，無珊瑚蚌咁韌，味道新鮮～流心鹹蛋黃豬肉丸（$70）睇到個名好搞笑所以嗌咗嚟試下！好有新意！入面真係有鹹蛋黃😂好食過蓮蓉月餅😂 鍾意鹹蛋嘅你一定要試😂黑松露墨魚滑（$88）黑松露味道好濃，同墨魚滑幾夾，爽口彈牙，食完齒頰留香～響鈴卷（$53）即叫即炸，仲可以點醬即食🤣店員溫馨提示：3秒就食得架啦！另外叫咗啲菜，加埋個湯底有豆腐鴨血，真係好滿足😋仲有腐竹雞蛋沙冰食！外型夠晒古色古香😎杞子龍眼菊花蜜（$70@渣）好大樽，可以揀凍或者熱，啱晒打邊爐。依家啲養生鍋越