利苑酒家 (北海中心)

營業中

休息中

利苑的煲仔飯一向有水準，新推出活蟹煲仔飯($58蚊/位)，第一時間點嚟試吓。煲了三位飯，落單不夠20分鐘，飯經已上枱，心諗：「咁快?」。侍應從煲仔端上活蟹，謎團便立即解開- 活蟹經走油後才放上飯面，嚴格嚟講，個煲仔飯只係一個無料嘅煲仔白飯，加side order一碟炸活蟹。活蟹係好普通嘅肉蟹，好細隻，走油後一啲鮮味都無；個飯其實煲得幾好，夠乾身而且粒粒分明，不過就一啲蟹味都無，令我大為失望。真係好掛任摩登漁佬嘅蟹煲仔飯，原隻膏蟹放入飯面慢慢煲熟，很可惜，摩登漁佬已結業多時，珍味不再。