58
15
6
開飯介紹
利苑酒家提供大量套餐,當中有鮑魚﹑響螺﹑燕窩等菜式。酒家不斷創新以迎合客人的需求及時代的轉變,保持現有菜式的水準,並因應客人的口味加以改良及鑽研新菜,30年來創出上千款菜式。
繼續閱讀
獎項殊榮
米芝蓮一星餐廳 (2015-2016)
特色
同客食飯
適合大夥人
營業時間
今日營業
11:30 - 15:00
18:00 - 22:00
星期一至日
11:30 - 15:00
18:00 - 22:00
公眾假期
11:30 - 15:00
18:00 - 22:00
公眾假期前夕
11:30 - 15:00
18:00 - 22:00
以上資料只供參考, 請與餐廳確認詳情
招牌菜
相關文章
傳統老牌酒家 ,老火湯傳統小菜不嬲都出名, 所以好放心嚟晚飯,估唔到比預期更出色。今晚又嚟食飯叫咗兩個小菜, 清清淡淡, 健健康康 ,見到鹽香蔥油農場雞仲以為係蒸雞,點知送到嗰陣時原來係好似炸子雞咁嘅樣,但係又好食過炸子雞好多,肉味鮮嫩香口 ,真係一個好出色嘅粵菜,食到舐舐脷,唔夠喉嘅感覺,係有啲意外嘅驚喜。🥳🥳另外一個係蝦乾椰菜,都係炒得非常香口 ,蝦乾唔多,但係就好新鮮好鮮味,椰菜同粉絲嘅配搭更加係剛剛好,用煲仔上,食到最後都係滾熱辣。 白飯都好出色,鬆軟香滑,明顯係用靚米煮。一餐好似樣嘅晚飯就應該咁樣,食嘢好簡單 ,兩餸一飯,幸福感覺。
繼續閱讀
三叔移民左去美國🇺🇸三潘市都成20年次次回香港都會精選好食😂😂今次我哋成家請佢食 「利苑」位於灣仔依間我地食左「金銀菜燉豬肺湯」$268分到5 碗湯,而且足料的豬肺個人覺得豬肺唔會太腥「靚靚燒肉」$44賣相真係好靚,唔會燒到好深色「㊙️製東妙坡肉」伴蒸饅頭$135堅夠料,食到有少少酒味份量都好夠食,很邪惡😋😋「荷葉飯」份量好足料,而家香噴噴唔會太油膩「水晶餃」$45有4粒到「峰巢芋盒」$42得3 粒 好精美😂不過都好食的
繼續閱讀
疫情好似又再次嚴重起來,由每日4K 到6K,怕又限聚令,所以lunch 和同事們一起去飲茶😁😁我們都幾大食,四個人order 了一個$298點心燒味組合,再另加點心及甜品😁😁片皮鴨半隻+生菜片鴨崧(四盞):中午飯,大家一起做小手工,DIY 的卷,特別點心比較精緻,好彩order 幾款,否則個胃仍有很多空間😂😂蘸汁木魚茄子🍆:這個配搭不錯,每人2-3件,剛剛好!棗皇糕:熱騰騰,再加上很重紅棗味,又好味又滋潤,女土的最佳飯後甜品!
繼續閱讀
早於過年前尾禡,無厘頭來咗,好久之前想來,但有人確診到過,當時已經感覺好嚴重,就避咗不去。 時間久遠,只可說最有印象係黃金豆腐粒,$39,未食之前以為椒鹽豆腐,㗳落係咸蛋黄包住豆腐炸,微微咸香及香脆表面,內裏豆腐富豆香,嫩滑白淨,無沾蛋黃味,所以嚐味時有層次,首先口感脆香熱辣辣咸香,再深入白滑軟绵綿豆味,此價抵食。 京川滑餃子,好精緻,即細粒,魚蛋size,皮薄滑似雲吞皮,不應叫餃子,餐牌寫有一隻辣椒,但一的都不辣,味及饀都宜及鮮,但真係太细。 木魚茄子,勝在不油,也不太咸,不太腍,有口感。 南瓜露,好稠,不太甜,南瓜肉磨爛。
繼續閱讀
我屋企人過年前已經在利苑預訂了年初六吃開年飯,家中老人家要早睡,我們是訂了中午餐,所以才能夠如期舉行。今天我們坐在一個較寬敞的房間,12人分開兩枱每枱6人, 剛巧原來今天是其中一位親人的正日生日,真是雙重興奮。利苑的服務做得很好,所有餐具上枱前都用旁邊一大盤熱水消毒過,令客人很安心。壬寅年開年飯餐單如下:江南小品: 脆皮乳豬、蜜汁叉燒、爽脆海蜇及南京素鵝乳豬皮脆肉嫩、 叉燒肉厚淋甜、海蜇爽脆、素鵝內的齋菜配上香脆的外皮一淋一脆的口感,點上香醋更幫助去油膩。年年大利湯湯材料有髮菜、蠔豉、菜乾、白菜、豬肉等,非常清甜。 掛住食一時間忘記了拍照。鮑汁花膠伴玉掌肉花膠和鵝掌燜燒時間相當足夠,入口溶化,西蘭花軟硬適中。如意吉祥炒虎蝦球虎蝦球略炸過,很彈牙,可惜蘆筍苗近底部有些老。發財好市瑤柱甫鮑魚同樣燜燒時間足夠,蠔豉足夠淋,鮑魚易咬,瑤柱一 碰即時散開, 味道也相當吸引。果皮蔥油蒸老虎斑這條老虎斑因為方便分開兩枱食,所以全部片肉以果皮蒸, 果皮的香氣加上新鮮的老虎斑,家人相當滿意。鹽香蔥油雞餐廳侍應告訴我們這隻蔥油雞是炸完再蒸,因此不是脆皮,不過家人還是喜歡吃炸子雞多一點。鮮茄粒粒泡豆苗這碟豆苗非常嫩口, 紅色蕃茄粒粒代表鴻運當頭好意頭。聽說豆苗這幾天賣出價約一百多元一斤,所以頓時吃光。飄香荷葉飯米飯全部吸收了荷葉的香氣,可惜已經很飽,不能吃太多。蛋白杏仁茶喜歡這一個甜品可以養顏, 杏仁茶夠熱,杏仁味重,蛋白多,正!金絲脆麻花/麻蓉壽桃我本人就不太喜歡吃壽桃包,因為要吃兩個生日蛋糕,最後壽桃包當然外帶回家翌日再蒸熱吃,始終覺得壽桃包的皮太厚,尤其是有紅粉的面層還有點韌,一定要撕掉才能吃得下,麻蓉餡料比較粗粒不像蓮蓉餡料般軟滑,所以我認為蓮蓉餡料較佳。吃吃喝喝兩個多小時,大家都很滿足,特別是壽星,有蛋糕,有禮物,有親人濟濟一堂,是最幸福不過的了!希望年年有今日,但不要有限聚令啊!
繼續閱讀