影片
更多
2023-08-24
106 瀏覽
中午2輪時間，每輪2小時，$598加一，依家openrice做緊promotion 85折。(正價加一)buffet區食物唔算多，但貴精不貴多，而且海鮮類係由職員夾比你，而唔係自己慢慢夾，呢個安排好好，公平之餘又唔會好似酒店咁d人堆左係熱門區域度，buffet黎講食得好舒服。大部分食物都唔錯，但時間所限我冇試晒全部。::海鮮::龍蝦同龍蝦鉗都唔錯，肉多爽彈有鮮味；蠔聽說一般海水味較重同細隻；蝦好細隻又冇咩特別可以慳番d quota；麵包蟹同蟹鉗都唔錯，好多膏！；長腳蟹我今日食既全部都好咸，肉質係ok既::燒肉::豬好好食呀，豬皮超香脆，唔死咸，最中間既肉相對會鞋少少，但都唔過份。羊都幾嫩，牛就好un。而配菜薯條，極高質，可以話係全場水準最高既一項（唔係其他唔好食，但薯條真係太出色）外層包左相對厚D既粉，好脆口，但內裡又好軟糯既薯仔，而且唔係太油，調味都剛好唔點醬都OK。可惜既係今日冇熱溶芝士呀。::熱盤::龍蝦湯推薦，有唔少龍蝦肉，味道夠濃但湯既質地唔算好杰身，唔會令你太飽滯，佢個麵包放得好秘密，係芝士區後面counter…..我臨走行去toilet先見到。蒸魚唔錯，好滑身，不過可能睇
buffet區食物唔算多，但貴精不貴多，而且海鮮類係由職員夾比你，而唔係自己慢慢夾，呢個安排好好，公平之餘又唔會好似酒店咁d人堆左係熱門區域度，buffet黎講食得好舒服。
大部分食物都唔錯，但時間所限我冇試晒全部。
::海鮮::
龍蝦同龍蝦鉗都唔錯，肉多爽彈有鮮味；蠔聽說一般海水味較重同細隻；蝦好細隻又冇咩特別可以慳番d quota；麵包蟹同蟹鉗都唔錯，好多膏！；長腳蟹我今日食既全部都好咸，肉質係ok既
::燒肉::
豬好好食呀，豬皮超香脆，唔死咸，最中間既肉相對會鞋少少，但都唔過份。羊都幾嫩，牛就好un。
而配菜薯條，極高質，可以話係全場水準最高既一項（唔係其他唔好食，但薯條真係太出色）外層包左相對厚D既粉，好脆口，但內裡又好軟糯既薯仔，而且唔係太油，調味都剛好唔點醬都OK。可惜既係今日冇熱溶芝士呀。
::熱盤::
龍蝦湯推薦，有唔少龍蝦肉，味道夠濃但湯既質地唔算好杰身，唔會令你太飽滯，佢個麵包放得好秘密，係芝士區後面counter…..我臨走行去toilet先見到。
蒸魚唔錯，好滑身，不過可能睇彩數，因為我第二次拎果d有點蒸老左。
每人限一件既蒸飽魚，火喉同調味都岩岩好
其他熱食有牛尾、燉雞、芝士菠菜等都係幾好食
::即煮pasta::
有意粉同長通粉、可選cream sauce/tomato，材彩都好多款，龍蝦同蟹魚都有！一如其他食評推薦，好creamy唔死咸，意粉口感都好彈牙，如果唔係太飽我真係想食兩次。
:: salad & cheese::
超多款，最特別係有honey comb，配芝士一流。
:: 甜品 ::
比較遜色既一環，cheese cake唔好等到最後食，我最後20mins去拎已經冇晒而佢亦冇refill。其他cake不過不失冇咩特別。雪糕唔知係咩牌子定自製，溶得好快味道都係一般。
張貼
