火鍋撚 (雲明行) (已結業)

平時火鍋任食就食得多， 今次聽朋友介紹去咗中環一間叫火鍋撚嘅火鍋店， 上去嘅時候仲會經過蘭桂坊， 係蘭桂坊後面嗰條街， 所以都好易搵。入到店裡同想像嘅有啲唔同， 以為同平時任食火鍋店一樣的逼逼夾夾， 但位置好寬敞坐落好舒服， 最重要係冷氣夠，唔會食到一身汗。我哋嗌咗個鴛鴦湯底，就係蜂巢豆腐白湯鍋同埋一品酸菜白肉鍋， 嗌完之後仲發現原來鴨血豆腐同埋酸菜白肉可以任意refill，抵哂啦。湯底上好之後，我們先喝了湯底，味道拍得住老火湯， 好好味，就係咁樣一人一碗已經喝了半鍋湯底，待應見到後立即幫我哋加湯 XD 隨之更送左碟夜明珠比我地， 有六粒，我哋仲猶豫咗好耐究竟係就咁食定係要淥落去， 結果好蠢咁問咗待應先知要淥， 淥完就同水晶包一樣，個皮煙煙韌韌，裏面嘅味道就係隨機，包括有芝麻， 麻蓉，奶黃，叉燒等等。然後我哋所點嘅嘢陸續上枱， 先講個極品安格斯肥牛，一見到上面既脂肪紋理分佈平均，口水已經忍不住流出來， 同埋肥牛唔算薄切， 所以咬落好有口感但唔韌， 同埋牛味好足，完全係我杯茶。 另外再叫左d比較大路嘅火鍋材料，特別想提一提個醬爆牛丸，好大粒，好彈牙，入邊個龍蝦湯汁都好好味，但好熱好熱勁