影片
更多
2025-04-06
200 瀏覽
完全冇諗過工廠大廈都有呢一個質素，仲要媲美好多好多嘅大型店舖✨前菜第一款前菜有生蠔配上酸汁、旁邊伴有清爽清新嘅水雲海葡萄。生蠔唔算太大隻，但係蠔味出色，肉質飽滿。第二道前茶有火炙牛肉壽司配昆布哈密瓜。火炙效果完全逼出左和牛嘅油脂，好滋香油潤；然後搭配一個清爽嘅哈密瓜🍈襯上黑魚籽，食完即刻念念不忘。✨茶碗蒸滑捋捋嘅蒸蛋，加上底部嘅蝦汁同海鮮配料，釋出淡淡蛋香同蝦膏香氣，絕對驚艷到我！✨日本和牛壽喜燒套餐包含三款和牛嘅精選部位，除此之外亦都可以再額外追加其中嘅一款。和牛肉片薄如蟬翼，肉質嫩滑。西冷係三款當中肉同脂肪分布得最平均，沙巴當油脂分泌最高，口感帶Creamy 。最後品嚐嘅牛肩，肉味最為重身，當牛肉係熱鍋中輕輕煮熟時，鮮美嘅肉汁、牛脂加上醬汁絕對係完美嘅融合。湯底嘅濃淡適中，帶有少少甜絲絲味道，可以沾上生蛋黃中和一下。最正當然係有職員慢慢嘅介紹以及服務周到嘅態度，再把野菜拼盤分別配合到每一碟牛嘅當中，堪稱完美。✨ 舞茸清湯食完濃郁嘅主菜，當然唔少得要有一啖清湯清一清喉嚨，餐廳非常細心，先送上青瓜片解一解油膩感。湯頭好清甜，淡淡菇菌味。甜品分別有芝麻雪糕、豆腐雪糕以及焦糖雞蛋布甸，完全
✨前菜
第一款前菜有生蠔配上酸汁、旁邊伴有清爽清新嘅水雲海葡萄。生蠔唔算太大隻，但係蠔味出色，肉質飽滿。
第二道前茶有火炙牛肉壽司配昆布哈密瓜。火炙效果完全逼出左和牛嘅油脂，好滋香油潤；然後搭配一個清爽嘅哈密瓜🍈襯上黑魚籽，食完即刻念念不忘。
✨茶碗蒸
滑捋捋嘅蒸蛋，加上底部嘅蝦汁同海鮮配料，釋出淡淡蛋香同蝦膏香氣，絕對驚艷到我！
✨日本和牛壽喜燒
套餐包含三款和牛嘅精選部位，除此之外亦都可以再額外追加其中嘅一款。和牛肉片薄如蟬翼，肉質嫩滑。西冷係三款當中肉同脂肪分布得最平均，沙巴當油脂分泌最高，口感帶Creamy 。最後品嚐嘅牛肩，肉味最為重身，當牛肉係熱鍋中輕輕煮熟時，鮮美嘅肉汁、牛脂加上醬汁絕對係完美嘅融合。湯底嘅濃淡適中，帶有少少甜絲絲味道，可以沾上生蛋黃中和一下。最正當然係有職員慢慢嘅介紹以及服務周到嘅態度，再把野菜拼盤分別配合到每一碟牛嘅當中，堪稱完美。
✨ 舞茸清湯
食完濃郁嘅主菜，當然唔少得要有一啖清湯清一清喉嚨，餐廳非常細心，先送上青瓜片解一解油膩感。湯頭好清甜，淡淡菇菌味。
甜品
分別有芝麻雪糕、豆腐雪糕以及焦糖雞蛋布甸，完全有啲驚訝連甜品都有得揀！
張貼
