牛魔 (已結業)

值得回頭的烤肉店最近疫症係香港似乎好轉, 終於可以放心出外消費。今晚仲Book定檯, 同家人再戰"牛魔"食烤肉。曾幫襯過多次, 烤肉質素唔差, 係一間值得回頭嘅餐廳。入座後送上了前菜, 前菜可無限添加。除了烤肉, 還有小食、主食等供應:菠蘿梳打特飲: 餐廳自行調製, 菠蘿味突出, 很夠汽, 有少少蒟蒻增加口感。豚肉五花腩 (配生菜): 五花腩有點點厚度, 肥瘦比例平均, 烤至金黃, 豬皮位置有點點煙韌, 用生菜包住, 再點韓式醬食, 惹味又唔會太油。不過生菜份量少左D, 五花腩件數比生菜還要多。美國prime醬油牛肋骨: 每次黎都必點! 灘開牛肋骨, 比起烤爐還要長, 醃得入味, 肉質林, 甜甜地, 依然係推介必食! 香蔥牛舌: 牛舌烤後, 夾埋蔥油食, 香口味倍增。日式炒烏冬: 味道偏淡, 只有少量迷你海鮮做配菜, 包括有蝦仔、魷魚仔、蜆仔, 大大啖入口, 其實食唔出有海鮮, 整體調味再重少少會好得多。