幸屋

營業中

休息中

灣仔好多隱世小店， 今次就搵咗間食日式拉麵嘅餐廳。店舖內籠 好有日本拉麵店嘅風情。拉麵有好多款式 ，除咗拉麵亦都有沾麵可以選擇。特濃味噌廣島蠔沾麵，$108。 呢款沾麵可以選擇凍食或者熱食， 分別大概就係口感。 鑑於天氣凍我都係揀咗熱沾麵， 味噌湯非常濃厚， 好好咁做到掛面嘅效果， 而呢度嘅味噌湯底都做得幾出色。 作為主角嘅廣島蠔都十分飽滿， 食落好香廣島蠔嘅鮮味。點咗款小食， 和風餃子，$38。 餃子水準正常發揮， 賣相成個薄餅咁， 整得幾靚。