影片
更多
2017-12-16
584 瀏覽
上次阿媽帶我地一家人嚟食私房菜，覺得相當不錯，仲念念不忘。適逢長輩聚餐，今次就輪到我帶隊嚟大擦一餐。長輩話既然我食過，今次就由我揀菜式，我就揀咗啲上次覺得好食又應該啱佢哋喜好嘅，再加啲我自己想試架啦。【香芒沙拉大蝦球】擺碟亮麗。四件脆炸蝦球面頭鋪左新鮮芒果，再加大量新鮮生果粒同沙律菜，好開胃。生果粒切得細細粒容易食，咁就可以一啖食到唔同生果。大蝦球冇想像中咁大但係好爽口。【避風塘大肉蟹】大肉蟹可選花雕雞油蛋白蒸、避風塘炒、薑蔥炒、胡椒炒、四川香辣炒，佢哋鍾意惹味啲，揀左避風塘炒但小辣。一上枱已經聞到好香，肉蟹連殼走過油，再配大量炸蒜融合小小辣椒粒，個個都大讚，食完仲要啜手指，好回味。蟹鉗同隻匙更咁大，肥大肉厚。【生煎東星斑】只有12両，略嫌唔夠肥美，但呢個重量，魚肉係特別嫩滑，加上外皮封煎得香脆，鎖住肉汁。【蒜蓉粉絲蒸蟶子王】上次食過好鍾意，不得不再encore。四隻巨型蟶子，配料有香蔥、辣椒同生熟蒜蓉。一邊生蒜、一邊熟蒜、中間係加一啲辣椒粒，三種滋味。蟶子好大隻，味道特別鮮甜。最鍾意係底吓啲粉絲，吸收晒啲鮮味，大家都搶住食。【白胡椒爆炒南非鮑魚】雖然裏面軟心，但外面有啲韌，有啲難咬。
長輩話既然我食過，今次就由我揀菜式，我就揀咗啲上次覺得好食又應該啱佢哋喜好嘅，再加啲我自己想試架啦。
【香芒沙拉大蝦球】擺碟亮麗。四件脆炸蝦球面頭鋪左新鮮芒果，再加大量新鮮生果粒同沙律菜，好開胃。生果粒切得細細粒容易食，咁就可以一啖食到唔同生果。大蝦球冇想像中咁大但係好爽口。
【避風塘大肉蟹】大肉蟹可選花雕雞油蛋白蒸、避風塘炒、薑蔥炒、胡椒炒、四川香辣炒，佢哋鍾意惹味啲，揀左避風塘炒但小辣。一上枱已經聞到好香，肉蟹連殼走過油，再配大量炸蒜融合小小辣椒粒，個個都大讚，食完仲要啜手指，好回味。
蟹鉗同隻匙更咁大，肥大肉厚。
【生煎東星斑】只有12両，略嫌唔夠肥美，但呢個重量，魚肉係特別嫩滑，加上外皮封煎得香脆，鎖住肉汁。
【蒜蓉粉絲蒸蟶子王】上次食過好鍾意，不得不再encore。四隻巨型蟶子，配料有香蔥、辣椒同生熟蒜蓉。一邊生蒜、一邊熟蒜、中間係加一啲辣椒粒，三種滋味。蟶子好大隻，味道特別鮮甜。最鍾意係底吓啲粉絲，吸收晒啲鮮味，大家都搶住食。
【白胡椒爆炒南非鮑魚】雖然裏面軟心，但外面有啲韌，有啲難咬。鮑魚配胡椒配搭新鮮，胡椒嘅香辣刺激味蕾，食落好惹味。
【江南百花雞半只】切到長方形嘅去骨雞件，上面有一層蝦膠，再落埋芡，睇落都幾精美光潤。長方形雞件食落方便唔駛”Lun”骨，雞肉蝦膠嫩滑，口感不錯，味道豐富。
【上湯浸時菜】時蔬係西蘭花，仲有大量西芹、菇、紅蘿蔔，都算多種類。我就覺得上湯份量比較少，西蘭花略硬。
【招牌御膳炒飯】大大碟飯係即炒嘅，熱辣辣兼且夠鑊氣，仲有香蔥同西芹，所以惹味得嚟又香口。主要配料係牛肉、蝦同埋帶子，帶子都幾多，食完都飽晒。
【紅豆椰汁糕】上次食過，見賣相都幾特別，甜品整到成碟蝦醬豆腐咁。又凍又甜嘅豆腐食落好香滑，配埋粒粒紅豆，夾!
食物水準好高，一道接一道慢慢上，保持食埋熱辣辣，唔會一次過出晒啲嘢食。店員換碟清枱勤快，服務唔錯。唯一係今晚太好生意，空間細，一路食飯一路聽到附近兩枱食客大聲談話，有啲嘈吵!
張貼
