菊月町 (已搬遷) 新店位置

平時黎開呢度都係食lunch set. 今晚見放工近近地就黎到試吓佢哋嘅廚師發板。omasake!一去到侍應就10分熱情咁樣同我地介紹唔同嘅dinner set，如果係肚餓嘅就可以食佢哋嘅介紹，如果唔係可以食鐵板餐，或者壽司十貫。因為今晚係感謝祭，所以每台都會送一支清酒，侍應特別介紹咗依啲清清地嘅清酒俾我哋，唔會太烈，配合食刺身一流。漫長嘅晚餐終於開始了，好似食極都食唔完咁樣，開始會有幾樣刺身，啲刺身都係好特別，平時係普通日本餐廳唔會食到，今次廚師就話俾我哋聽呢啲都係新鮮運到的！跟住就到燒物，有和牛，虎蝦，煎魚！跟住終於到好味嘅壽司了，我好期待，因為朋友話呢度啲刺身都好新鮮，同埋種類繁多。自己最喜歡就係食拖羅，同埋生蝦，到最後仲有一個海膽飯，差唔多用咗一底海膽俾我哋兩個， 10分足料今次晚餐果然係回味無窮，從來都冇食過一個廚師發板有咁多唔同種類嘅嘢食，又有燒，又有前菜，又有刺身，又有壽司，仲有甜品添！每人只需要千幾蚊就可以有一餐那麼滿足的晚飯，出邊一定吃不到呢！傾落先知，原來廚師之前都係係一間傳統嘅日本料理做學徒然後自己出嚟開餐廳🍴係10分有心的一間小餐廳，一定要支持！