影片
更多
2023-03-31
91 瀏覽
今日朋友帶我去食一間高質燒肉 鋪頭嘅位置係位於尖沙咀H centre嘅三郎燒肉， 係少數我認為喺尖沙咀價錢合理而且質素高嘅燒肉餐廳。 餐廳走比較暗色調嘅裝修， 枱與枱之間嘅距離非常之寛闊，最適合情侶或者傾商務合作嘅人士。 餐廳亦有照顧到一大班嘅朋友， 有一大片榻榻米位置俾朋友聚腳。 烤和牛肩他他凱撒沙律一道普通嘅沙律但配菜一啲都唔馬虎， 新鮮嘅沙律菜配上長法包粒，煙肉，芝士粉等等。令人最期待嘅就係和牛肩， 食落口非常甘香令人對呢一餐非常期待。 刺身盛合一共有五款刺身包括係：池魚、赤蝦、火炙左口魚、櫻鯛同埋拖羅。 個人最喜歡嘅係甘甜黏口的赤蝦同埋充滿油甘嘅拖羅， 所有刺身都非常新鮮，絕對唔會因為佢係一間燒肉店以俾次等貨你。 特選和牛盛合來到今日嘅主菜， 廚師特意挑選咗五個牛的部位，包括係：夏多布里昂、羽下、和牛西冷、肉眼心、牛胸腩。 每一件都充滿油花而且分佈均勻， 個人就唔太偏好食油膩嘅牛， 呢度所挑選嘅牛唔單止充滿油香 ，而且食落口入口即溶，唔會有成口油的感覺。 而當中特別推介夏多布里昂， 夏多布里昂係位於西冷嘅正下方，而師傅特別用上咗厚切嘅方法， 令到成件牛食落軟滑細膩，回味無窮。
烤和牛肩他他凱撒沙律
一道普通嘅沙律但配菜一啲都唔馬虎， 新鮮嘅沙律菜配上長法包粒，煙肉，芝士粉等等。令人最期待嘅就係和牛肩， 食落口非常甘香令人對呢一餐非常期待。
刺身盛合
一共有五款刺身包括係：池魚、赤蝦、火炙左口魚、櫻鯛同埋拖羅。 個人最喜歡嘅係甘甜黏口的赤蝦同埋充滿油甘嘅拖羅， 所有刺身都非常新鮮，絕對唔會因為佢係一間燒肉店以俾次等貨你。
特選和牛盛合
來到今日嘅主菜， 廚師特意挑選咗五個牛的部位，包括係：夏多布里昂、羽下、和牛西冷、肉眼心、牛胸腩。 每一件都充滿油花而且分佈均勻， 個人就唔太偏好食油膩嘅牛， 呢度所挑選嘅牛唔單止充滿油香 ，而且食落口入口即溶，唔會有成口油的感覺。 而當中特別推介夏多布里昂， 夏多布里昂係位於西冷嘅正下方，而師傅特別用上咗厚切嘅方法， 令到成件牛食落軟滑細膩，回味無窮。
雞拼盤
除咗牛之外我哋仲叫左： 阿波尾雞頸、 鹿兒島縣雞心同埋香辣雞翼。
香辣雞翼嘅味道比較似平時快餐店嘅巴辣雞翼，但係炸粉非常鬆脆，雞翼都有應該嘅肉汁。 阿波尾雞頸入口亦都係嫩滑多汁。而最推介嘅就係鹿兒島完嘅雞心，因為燒過嘅雞心口感煙韌彈牙， 外脆內嫩充滿肉汁。
最後仲有一款海鮮同埋三款嘅蔬菜， 食材亦係相當新鮮。
柚子雪糕
最後食完咁多肉類之後，當然要一啲嘅甜品去清清喉嚨。 餐廳就有呢一款嘅柚子雪糕。雪糕同一般坊間嘅柚子雪葩唔一樣，佢真係帶有柚子果粒嘅柚子味嘅雪糕。 味道冇雪葩感清爽但同時亦都冇咁甜同埋冰凍， 比較適合女士享用。
細心！值得回頭
值得一讚嘅係餐廳嘅服務員態度非常之好，喺上菜嘅時候會為我哋介紹唔同嘅刺身款式同埋牛嘅種類。 而本人其實一路好怕去燒肉舖，原因就係因為嗰陣油煙味會跟住你成日。 呢度嘅抽油煙系統非常之好，係極少數燒肉餐廳可以做到，一啲油煙味都唔會痴到你身上。 最後就係環境寬敞衛生，絕對值回票價！
張貼
