Candies Foodies (已結業)

喺facebook見到廣告專程黎試個海膽飯😍book左七點三我地七點去到都即刻可以入座睇食評見海膽飯會好早賣哂 好彩仲有！咁當然即刻叫左一份啦！老闆話原先隻海膽賣哂 俾隻靚啲既我地不過我唔記得係咩地方喇~個飯已經有海膽汁撈好 味道幾甜撈埋成板海膽一齊食好味啲 冇海水味！👍我地兩個女仔share 係唔夠食既😂😂再叫左一個小食拼盤(自選三款小食)我地揀左吉列蠔、香草烤豬肉腸同埋薯格另外又叫多左一個risotto有少少乾~我覺得呢間餐廳食物份量偏細(可能我地兩個女仔都大食😂)不過老闆同員工態度都好好例如用餐途中有個員工執枱唔小心倒瀉杯水其實只係整濕左我同朋友隻鞋少少嗰位員工講左好多次唔好意思 問我地有冇事我地講左冇事 話唔緊要佢都仲主動拎左幾張紙俾我地抹依家真係好少有服務性行業既人咁好禮貌！臨走前仲可以免費夾一包糖走😊😊我貪心 夾到滿滿一包 哈哈總括黎講 係值得一試既~