荳子 (海壩街) (已結業)

之前已經聽過荳子食物唔錯，但初開時都要花上一段好長時間排隊，所以一直未有機會試下，今日去開荃灣，竟然不用排隊，就拿拿臨入去坐低。鋪頭裝修好靚，環境好舒服，我地一行3人坐中間長檯既其中一邊。因為剛食完晏無耐，唔係太肚餓，只係叫左小食拼盤及3杯凍飲。無諗過小食拼盤會好大盤、好豐富，有炸洋蔥圈、肉醬薯條、黑椒單骨雞翼和蜜糖烤單骨雞翼。洋蔥圈好香好脆，肉醬薯條是剛炸起，好大份，配上厚厚的肉醬，出奇地夾同好食。而兩種味道的單骨雞翼雖然味道不同，但兩款外皮都炸得好脆，黑椒味濃帶點微辣、蜜糖味脆脆甜甜，而且蜜糖夠多，雞翼的肉質又嫩滑，十分惹味!再加上凍朱古力及榛子朱古力，朱古力味夠濃但不算太甜，值得一試！