田舍家

營業中

休息中

之前見到好多朋友食，諗住生日試一次啦!依間野位於icc,對於好多鍾意食景既人黎講應該會好喜歡，至於食物就同大家介紹一下 。至於值唔值依個價錢真係見仁見智。我本人就覺得試一次就夠。首先我叫左個帶子，略微過熟，有啲硬，亦唔係好食到佢既鮮甜，百幾蚊一隻，個人覺得係好多地方都搵到好食過佢。之後食左個和牛，叫左5成熟，結果燒出黎差唔多well done,牛燒到熟晒唔係太好食，要千幾蚊一碟。覺得有啲浪費左個和牛。再叫左個燒魚喜之次。依個算係食左咁多個之中叫做最過得去。師父燒到剛剛好，肉質唔太硬又唔太軟，亦都有鮮味。亦都叫左個燒雞翼，同係串燒店燒個啲無咩分別，但要50蚊一隻，50蚊係出面例牌都買到，個人覺得唔值依個價。另外，有一個後生女仕應(眼細細，識講日文中文，白白淨淨，大約二十幾歲)態度好白眼，揀客黎招待，一見到啲有錢客就飛過去。