影片
更多
2016-10-11
6773 瀏覽
2016-10-06君悅咖啡廳******************食完第一個反應就係, 君悅憑咩收咁貴?收我七舊幾水, 俾呢D我食?!?!見到網上食評, 君悅咖啡廳都有4粒星, 雖然好多都係a la carte, 但我覺得a la carte都咁多好評, buffet應該都唔錯掛...點知, 原來係我痴心妄想。******************先講環境, 由於太多鏡既關係, 令人覺得好暈, 同埋窗邊位通往buffet區既通到又暗又窄, 每次都差D撞牆。buffet區分為3個主區, 熱盤+刺身海鮮、冷盤、甜品。 熱盤區要行一條場樓梯鮮上到，而且燈光好昏暗, 上落一定要小心。燒味部居然佔左差不多1/6。雖然話呢度既海南雞出名je, 都唔駛咁掛...******************好嘞好嘞, 講食物嘞...小編真係崩潰嘞!!!!!!! 點解D甜品得咁少選擇??? 點解最基本既窩夫都冇?!?! 難道真係以quality凌駕quantity?? 又好似唔係...芒果蛋糕, cream幼滑, 芒果應該有揀過, 係甜ge, 但如果甜品款式得咁少, 不妨製作精緻D, 打個芒果cream, 唔好用
君悅咖啡廳
******************
食完第一個反應就係, 君悅憑咩收咁貴?收我七舊幾水, 俾呢D我食?!?!
見到網上食評, 君悅咖啡廳都有4粒星, 雖然好多都係a la carte, 但我覺得a la carte都咁多好評, buffet應該都唔錯掛...點知, 原來係我痴心妄想。
******************
先講環境, 由於太多鏡既關係, 令人覺得好暈, 同埋窗邊位通往buffet區既通到又暗又窄, 每次都差D撞牆。
buffet區分為3個主區, 熱盤+刺身海鮮、冷盤、甜品。 熱盤區要行一條場樓梯鮮上到，而且燈光好昏暗, 上落一定要小心。燒味部居然佔左差不多1/6。雖然話呢度既海南雞出名je, 都唔駛咁掛...
******************
好嘞好嘞, 講食物嘞...小編真係崩潰嘞!!!!!!! 點解D甜品得咁少選擇??? 點解最基本既窩夫都冇?!?! 難道真係以quality凌駕quantity?? 又好似唔係...芒果蛋糕, cream幼滑, 芒果應該有揀過, 係甜ge, 但如果甜品款式得咁少, 不妨製作精緻D, 打個芒果cream, 唔好用普通cream; 雜莓同檸檬批, 批底雖然係香, 但太太太厚; 拿破崙, 見人寫話有驚喜, 但酥皮唔脆, 叉到成件餅塌左都未插得開一層; 雪糕係自家製, 小編都好欣賞, 但真心講, 我寧願佢用movenpick: 第一, 小編拎兩球雪糕, 拎到埋位, 第一球已經溶左一半, 咁代表咩呢?隻杯太熱?雪糕打得唔夠實? 第二, 個朱古力味點解咁耐都冇refill? 唔係話我知味整好呀?!
******************
凍海鮮, 選擇真係唔多, 冇生蠔, 蟹鉗味道有D...怪.....刺身, 帶子鮮甜, 而且幾大隻, 壽司/魚生飯唔吸引。
******************
輪到講海南雞飯嘞, 相信好多人都會衝著呢款食物, 慕名而來, 冇錯, 海南雞好好好香好滑, 但D飯......係未熟ge。小編食落都呆左一下, 話下次淨係要雞唔要飯。叉燒柴又un...唔通係健康瘦叉?
******************
(p.s. 君悅係冇自助沙律bar, 沙律都係分好左一小碟一小碟咁, 冇左buffet既意義)
******************
消費: 1447.6 /2 adults (連加一、不包任何飲品)
優惠: /
題外話/補充資料：
通常buffet都包一杯飲品, 君悅冇!!
好多酒店如果知道顧客生日, 都會準備一個蛋糕, 甚至送一杯香檳, 但君悅又係乜都冇! 檸檬茶都冇一杯送!!
(以上食評乃用戶個人意見 , 並不代表OpenRice之觀點。)
張貼
