蔡瀾越南粉 (已結業)

之前經過蘭桂坊，知道有間蔡瀾越南粉，今日終於有機會去試，我揀咗個自選材料嘅越南粉，揀咗生牛肉同埋牛展，其實生牛肉同牛展就中規中矩都幾好味，個粉尚可但我就覺得個湯底出色，所以成碗麵個評分都有80分，可以再encore。另外小食就叫咗蒜香雞翼有五隻，都好多蒜蓉喺面，如果鍾意食蒜蓉嘅朋友就一定會覺得好味，另外朋友叫咗個雞絲粉 ，我見到個雞絲都幼嫩，佢畀咗一舊我試都唔錯，呢間舖頭可以再嚟試。 下次大家有機會去蘭桂坊玩，都可以嚟呢度食飽先，又或者玩完黎衣度食都唔錯。。