影片
更多
2021-04-07
42 瀏覽
今次呢間餐廳唔係我自己搵，係一個食嘢好專一（直接講😆即係好悶，冇咩新意）嘅鼠友介紹嘅！琴晚我哋喺九點半入席，成為最後嘅客人。阿姐仔企係門口笑笑口講晒歡迎，仲話睇住你哋跑過嚟，快啲嗌嘢食啦，你哋一定好肚餓㗎喇！呢啲伙記真係抵讚！內在環境好乾淨、舒服午餐同晚餐個餐牌其實差唔多，價錢都係好優惠！今次叫咗個「獅城走地雞飯」$78-及「巴東牛肉飯」$68-。姐仔話一早賣晒巴東牛肉，等十幾分鐘喇，而家再即煮，幾有誠意！講返個「獅城走地雞飯」 先，賣相確實係幾靚仔。個餐本身跟碗白胡椒肉骨茶。首先碗肉骨茶個味係有好輕啖好輕啖嘅白胡椒味，即係好似一碗上湯加咗啲白胡椒味咁。如果你唔期待佢係一碗藥膳嘅湯就無錯，但係呢碗細細哋嘅湯竟然搭有3至4嚿大骨，件件都靚仔（有相睇，自己睇喇）而且都煮得剛剛好。走地雞都幾滑溜，但最為出色應該係個油飯，個飯好香又入味，單係食呢個油飯都值得嚟試下。至於「巴東牛肉飯」就冇乜特別，首先所謂嘅椰漿飯係唔覺有椰味。不過喺香港有好多間馬來西亞餐廳都係咁，唔知點解。我印象裏面巴東牛肉應該係辣有香料味但呢到又唔係。如果鍾意食大嚿
琴晚我哋喺九點半入席，成為最後嘅客人。阿姐仔企係門口笑笑口講晒歡迎，仲話睇住你哋跑過嚟，快啲嗌嘢食啦，你哋一定好肚餓㗎喇！呢啲伙記真係抵讚！
內在環境好乾淨、舒服
午餐同晚餐個餐牌其實差唔多，價錢都係好優惠！
今次叫咗個「獅城走地雞飯」$78-及「巴東牛肉飯」$68-。姐仔話一早賣晒巴東牛肉，等十幾分鐘喇，而家再即煮，幾有誠意！
講返個「獅城走地雞飯」 先，賣相確實係幾靚仔。個餐本身跟碗白胡椒肉骨茶。
首先碗肉骨茶個味係有好輕啖好輕啖嘅白胡椒味，即係好似一碗上湯加咗啲白胡椒味咁。如果你唔期待佢係一碗藥膳嘅湯就無錯，但係呢碗細細哋嘅湯竟然搭有3至4嚿大骨，件件都靚仔（有相睇，自己睇喇）而且都煮得剛剛好。
走地雞都幾滑溜，但最為出色應該係個油飯，個飯好香又入味，單係食呢個油飯都值得嚟試下。
至於「巴東牛肉飯」就冇乜特別，首先所謂嘅椰漿飯係唔覺有椰味。不過喺香港有好多間馬來西亞餐廳都係咁，唔知點解。我印象裏面巴東牛肉應該係辣有香料味但呢到又唔係。如果鍾意食大嚿嚿肉嘅人呢就啱，但我試食咗一啖，我覺得啲肉太大，有啲粗。我就唔係咁啱食，報道完畢！
張貼
