大中華飯店 (已搬遷) 新店位置

一講開大中華飯店好多人都會食過佢嘅特色招牌菜夠晒火喉，咁次就同朋友去咗呢度開飯，好彩係平日去唔駛點等就有位坐，當然第一時間先寫好幾款招牌菜再交俾店員咁先有得食，等咗一陣先有香煎墨魚餅，表面煎得外脆內軟，食落爽滑又彈牙口感十足，點埋醬汁更好味另一款係呢度招牌必食菜黑椒鐵板豬手，上枱已聞到陣陣黑椒嘅香味，仲係熱辣辣一定要趁熱食就最好食，一切開已見豬手肉質鬆軟，肉質夠肥美入口滑溜味道香甜，越食越惹味緊接係蒜香骨，蒜粒炒得香濃，再來食件香骨入口肉質肥瘦適中，夠晒火喉最後當然係炒糯米飯，飯粒炒得乾身配上臘味再加上香蔥粒，雖然睇落買相簡單但入口又真係幾好入味，啱晒我呢D飯桶食完再食多碗冇食一排依舊保持水準，又食完一餐招牌菜