肯德基家鄉雞 (KFC) (已結業)

肚餓落樓醫肚， 今期算有新款推出。。或者太耐無出街，又入去試下先。。牛油粟米黃金雞 - 外皮鬆脆，粟米味甜甜地，雞肉嫩滑。紅豆麻糬葡撻 加$3, - 抹茶味重過紅豆味，唔講唔知有紅豆，配合加棉花糖麻糬唔甜，夠煙韌。雞皇飯 - 保持水準，有少少辣，多雞肉，多紅蘿蔔，飯就一向都比較爛。50蚊內的價錢算平又抵喇。。又好飽肚。店內座位闊落，多位，服務員態度好， 清潔姐姐都好勤快，周圍抹枱，食物速度夠快夠熱無漏單無出錯。。。不過都係近屋企取勝。