Lagom Kaffe (已結業)

呢間cafe之前食過唔錯，舖頭裝修有風格，座位寬敞，有好多打卡位，適合去輕鬆chill下，今日同朋友去開牛頭角就再食。奶油花雕雞肉意粉意粉份量比想像中大，煮得啱到好處，個fusion汁好creamy，仲帶有陣陣花雕味，表面嘅雞扒，煎得外皮香脆，咬落肉質鮮嫩，下面嘅意粉亦都配有雞肉粒，整體唔錯。煙三文魚牛油果莎莎班尼迪克蛋班尼迪克蛋嘅蛋一切開有蛋汁流出，配合埋煙三文魚以及牛油果莎莎醬，再加上表面嘅魚子食好夾，值得一讚個包有烘過。伴碟嘅沙律亦都唔馬虎，沙律菜非常新鮮，仲有紫色嘅番薯好甜。草莓鮮果吉士撻吉士撻餅底好脆，士多啤梨好甜，整體唔會好甜，食到草莓嘅鮮味。總括而言，餐廳食物質素保持水準，冇令我失望。