Café Relay (已結業)

琴晚同朋友去飲嘢傾計，個女人（唔知係咪老闆娘）同我朋友講坐到七點要交檯，我地一路傾傾傾，朋友知道過左七點，但佢見個女人無過黎叫我地走，就繼續傾計，亦無覺得要話我聽個限撤令。到八點個女人突然好嬲咁過黎話，「我俾你地坐到七點，依家已經八點幾啦！你知唔知我外面走左幾檯客啦！」我就話「噢...我唔知原來要走...」女人：「我一早同左你個朋友講七點架啦！🌚」朋友好無奈，因為見個女人無再出聲就諗住可以繼續chill，而塊白色屏障都擋住我地根本睇唔到外面。我地係咁say sorry，當我地起身走既時候，個女人同另外個男人兩個係黑曬面，一句多謝都無講，個男人仲要bear住我地........... 飲食業服務業，態度勝過一切，你覺得我地阻住你做生意，可以有禮貌提醒，唔係黃就可以臭串，你唔憂做你好嘢，但我都唔會再叫身邊朋友幫襯 😊