Mimila (已結業)

自從新城市成為遊客嘅購物天堂，人潮越來越多，我都少去咗嗰度逛逛。今日天氣咁熱，避免去室外地方搵食，就決定咗去新城市頂樓嘅餐廳晚飯。搭電梯一上到去，第一間就見到mimila，係一間馬來西亞菜，對腳就行入左去喇。Menu主要係麵為主，咁就叫左個三蝦撈麵。佢係蔥油撈蝦子麵配海蝦、蝦子等。個蔥油好香，夾一住蝦子麵浸一浸啲蔥油再放入口，can you imagine how tasty is it?另一個就叫咗個期間限定嘅咖喱喇沙雞飯，雞嘅份量適中，個汁就偏向重咖喱味，喇沙味比較弱。最後又點少得杯野飲呢，桔子梳打同芒果沙冰都係解暑一流，後者仲有粒粒果肉添。