我武者羅 (已結業)

來自日本東京涉谷的拉麵店我武者羅，主打的湯底有生姜醬油拉麵及真鯛雞白湯拉麵，都屬清淡系，食拉麵唔再只得豬骨湯底咁單調！其中淺蜊潮拉麵（$120），雞清湯配蜆肉，湯底好清甜！生姜醬油拉麵（$95）則屬店內皇牌，受歡迎程度從每檯幾乎有點一碗可見一班！香濃醬油做base，加新鮮生磨薑蓉，味道幾清新，另外加點溏心蛋一隻（$15），都幾有水準。我武者羅燒餃子（$45）：燒餃子看似簡單，但要做到外脆內軟都唔容易。餃子醋加紅蘿蔔蓉，味道酸酸地幾好味。和風唐揚雞（$50）：炸雞香脆可口，加拉麵一齊食更飽足！