露面手工拌麵料理

營業中

休息中

佢嘅香芋鮮奶係好飲過任何一間台式飲品店肥妹仔呢排去港島嘅次數多咗，發現有一間新開嘅手工麵店。佢主打嘅係佢嘅手工麵，於是就同肥媽一齊入咗去試吓。一入到去佢嘅裝修都幾新潮，而且座位好闊落，坐得好舒服。肥妹仔我叫咗個麻醬涼皮，佢嘅麻醬好濃，涼皮爽口彈牙，但係醬汁唔夠多，如果再多少少就仲家好。另外肥妹仔仲叫咗一個酸菜雲吞。肥妹仔以為酸菜係煮個湯入邊，係好似酸菜湯底咁樣。原來佢嘅酸菜雲吞係一碗清湯雲吞加上少少酸菜，冇咩特別，味道不錯。戲肉黎啦！肥妹仔最期待嘅係呢一個蟹粉撈麵，佢嘅蟹粉份量好多，撈完成碗仲有好多淨！但係個味道坦白講蟹味唔太重，但係反而好重咸魚果種鹹香味。如果鍾意食重口味嘅朋友一定要試！麵條好爽口彈牙。另外肥妹仔同肥媽仲嗌左一杯香芋鮮奶同埋百香果。個杯香芋鮮奶真係令肥妹非常驚喜！佢嘅芋頭蓉超多，而且超級香滑同埋甜，係好飲過任何一間台式飲品店！肥妹仔叫咗兩杯飲，真心非常佩服。