影片
更多
2017-07-16
193 瀏覽
同事仔生日, 我地緊係要食大餐啦! 中環都好難搵食, 如果要食好少少就一定要BOOK 位, 特別係2人以上。好彩有同事幫有Book左 Espuma, 大家都係第一次試, 懷著期待的心情去試! 唔洗點等就有位, 5個人被安排坐梳化位, 餐廳係西式建築, 裝飾都好精緻歐陸式, 餐廳有一邊係一大片落地玻璃, 環境夠晒光猛! 睇左餐牌, 5個人都決定要漢堡包大餐!!! 呢個餐$100有找! 餐到時, 大家都係相機食先, 因為賣相真係好靚! 一個實木厚盤乘載著約四吋底+四吋半高的即製牛肉漢堡包 (內夾蕃茄、芝士、洋蔥、生菜), 用炸物鐵藍盆起即炸薯條配黑松露沙律醬, 另有黑醋沙律伴碟, 賣相絕對冇得輸! 可惜味道同賣相有點兒差距, 牛肉冇咩味, 味道好淡, 漢堡包實在太高, 好難食到, 比較尷尬。薯條新鮮香脆, 唔油膩, 配上黑松露沙律醬係絕配, 我食晒! 薯條出色過漢堡包! 整體黎講, 算抵食啊, 一百蚊有找, 咁多野食!
可惜味道同賣相有點兒差距, 牛肉冇咩味, 味道好淡, 漢堡包實在太高, 好難食到, 比較尷尬。薯條新鮮香脆, 唔油膩, 配上黑松露沙律醬係絕配, 我食晒! 薯條出色過漢堡包! 整體黎講, 算抵食啊, 一百蚊有找, 咁多野食!
張貼
