心之食堂 (裝修中)

早幾日去咗銅鑼灣上興趣班，上完都差唔多晚餐時間，再搵吓附近有咩好嘢食。見到呢間日本餐廳《心之食堂》好似唔錯，就上咗去。餐廳環境唔錯，日式設計，播住日本歌，仲有好多清酒選擇。我哋叫咗最鍾意嘅蛋卷，有埋畫咗心嘅茄汁同沙律醬，裏面有配料蟹柳，小朋友一定要嗌。蟹肉忌廉餅，即叫即做，熱辣辣外脆內軟。另外香蔥牛舌石鍋飯，啲牛舌數分量十足，呢個一定要嗌。火焰鐵板牛柳串上菜嘅時候用點着左火嘅醬汁林上去，觀感一流，牛柳都大件好味。蒜烤大虎蝦蝦肉新鮮，另外有啲生蒜增加口感❤️最後點左佢哋有個叫邪惡飽，紫菜包住裏面有鵝肝同埋帶子，真係邪惡😆