火鍋撚 (雲明行) (已結業)

"撚乎者, 愛之極至也" 無錯! 大熱天時30+度, 流晒汗行上半山, 又要預早咁多日訂枱, 都一定要食嘅 "火鍋撚" 絕對係值得!!!入到店內, 由裝修到音樂到碗筷, 全部都好中式傳統風。而環境亦都好舒適, 枱同枱之間嘅隔離唔會太迫。湯底係火鍋嘅靈魂, 哩度有5款湯底提供, 由於我太貪心, 所以要咗個 "蜂巢豆腐白湯鍋" 拼 "祕制麻辣鍋"~ 細心嘅店員提我哋可以飲碗 "白湯" 先, 入口除咗有濃濃豬骨味, 仲有好香嘅參味, 好好飲又特別。而鍋內嘅蜂巢豆腐, 豆味好香, 吸晒d湯嘅味, 正! 最令人興奮嘅係而家會無限添加鴨血同豆腐, 鴨血都好滑㗎! 順帶一提, 醬料雖然選擇唔算多, 但"陳年XO香辣醬相當惹味!!安格斯肥牛: 牛味好濃, 肥瘦適中, 但無入口即溶嘅感覺。酒糟五花肉: 一試難忘啊! 本身對五花肉有點抗拒, 怕太肥膩~ 但估唔到用酒沉完後, 除咗用濃濃酒香味, 仲令肉質更結實, 完全無哩種一咬下去成口油感覺! 推介黑松露墨魚滑 拼 香菇背鮑鮮滑 (前): 前者墨松露落足料, 墨魚滑非常彈牙仲有墨魚粒。鮑滑加入香菇薄片, 口味好豐富!珊瑚蚌 拼 桂花蚌 (後): 非常鮮甜,