更多
2016-02-22
616 瀏覽
第一次寫食評,就決定獻俾熊拉麵。今晚收工已經8點,係附近搵食,見到呢間拉麵店幾新,正評都幾多,去到亦只有4個人等緊,於是去試下。叫左個最基本的熊拉麵,兩塊叉燒,唔太肥,岩哂lady.溏心蛋一咬有d失望,因為個黃表面熟左d,好彩中間d黃都仲會流到出黎。因為本人鍾意食硬身麵,所以揀左硬幼麵,出到黎硬度無令我失望,好有口感!一碗拉麵,最重要當然係個湯底!個湯底真係好好味,唔會好似其他拉麵店咁,一係就過咸,一係就無味。食得出係真材實料熬既豬骨湯底。最重要係,食完唔洗狂飲水,因為無味精。如果我大食d, 我會飲哂個湯。另外叫左個餃子,不過不失啦。總括,$83一碗拉麵,話貴唔貴,話平又唔係平,不過值得既!會再食!
第一次寫食評,就決定獻俾熊拉麵。
今晚收工已經8點,係附近搵食,見到呢間拉麵店幾新,正評都幾多,去到亦只有4個人等緊,於是去試下。
叫左個最基本的熊拉麵,兩塊叉燒,唔太肥,岩哂lady.溏心蛋一咬有d失望,因為個黃表面熟左d,好彩中間d黃都仲會流到出黎。因為本人鍾意食硬身麵,所以揀左硬幼麵,出到黎硬度無令我失望,好有口感!
一碗拉麵,最重要當然係個湯底!個湯底真係好好味,唔會好似其他拉麵店咁,一係就過咸,一係就無味。食得出係真材實料熬既豬骨湯底。最重要係,食完唔洗狂飲水,因為無味精。如果我大食d, 我會飲哂個湯。
另外叫左個餃子,不過不失啦。
總括,$83一碗拉麵,話貴唔貴,話平又唔係平,不過值得既!會再食!
張貼