103
17
0
港鐵佐敦站 C2 出口, 步行約2分鐘 繼續閱讀
所有分店 (2)
電話號碼
25672777
附加資料
拉麵可自由配搭,自行選幼麵或粗麵,並可決定麵的硬度。每日限量賣150碗湯底。
營業時間
今日營業
11:30-15:00
18:00-22:00
星期一至日
11:30-15:00
18:00-22:00
付款方式
現金
座位數目
18
其他資料
Wi-Fi
自帶酒水
泊車 詳細介紹
電話訂座
外賣服務
加一服務費
食評 (127)
等級4 2017-08-12
1728 瀏覽
俗語有云:唔係猛龍唔過江,不過今次要見識嘅唔係一條龍而係一隻熊喺佐敦區工作的我在同事介紹之下才知道原來係白加士街有間<熊拉麵館>係由日本過江而來。正宗日本拉麵喎!當然收工後便速速朝聖啦行到白加士街的盡頭,便是熊麵館的所在地,門口的裝飾已依足日本當地拉麵店的風格,感覺很正宗呢坐下後先看看餐牌,在殷勤服務的侍應哥哥介紹之下,第一次朝聖的我決定先試一試他們的招牌熊拉麵只要在下單紙上圈好自己所需要的細節,便可以靜靜的安坐等吃聽着所播放的日語流行曲,只消一會兒我的拉麵便登場了熱辣辣的呷一口濃湯,嘩!真的不得了!怪不得會是這裏的王牌,由大量新鮮豬骨濃縮而成的奶白湯底質地非常濃厚,滿滿骨膠原的感覺!而且味道十分鮮甜,真的令人難以忘懷接着便急不及待要試試糖心蛋,流芯的程度達到嚴重的級別喔!蛋白範圍的顏色雖然比較淺,但由於是泡在特製醬汁內的關係,所以味道非常濃郁。而且雞蛋本身的雞蛋味很重,細看介紹下才知道原來是選用日本進口的雞蛋,怪不得會這麼的滋味啦!當然拉麵的麵質亦是很重要的一環,中幼身的拉麵軟硬度剛剛好,而且爽滑彈牙,每一條也緊緊掛著濃厚的湯汁,不知不覺間我便已經吃完整碗麵但是很抱歉呢,我忘記了影另一位主角~叉燒!!但是在這張相片中拉麵的背後便就是叉燒了。我選的是梅頭瘦肉叉燒,據說店家是把梅頭瘦肉浸在特製醬油料中達5小時!怪不得叉燒有口感之餘味道亦非常好!而且脂肪少於10% ,吃了也沒有罪惡感把最後的湯底也渴光以後,就會看到碗底這隻可愛白熊。以正宗日本拉麵來說,$85絕對是超級便宜!大概是因為開在白加士街這種並非商業區和遊客區的位置吧!而且貫徹日本餐館一灌的的<顧客至上>宗旨,這裏的服務員全部都很殷勤有禮,服務態度非常之好。服務的分數我想不止給五星喔 繼續閱讀
(以上食評乃用戶個人意見 , 並不代表OpenRice之觀點。)
等級4 2017-08-03
1294 瀏覽
好中意食拉麵既我今日同女朋友黎到呢間位於佐敦內街既呢間-熊拉麵不過今日落雨, 所以由地鐵站行過黎都比較吃力呢間拉麵店感覺好日式, 除左有日本人最中意既冰水比客人飲用之外 師傅仲係日本人黎嫁! 見到佢做好左個麵之後會留意食客既反應, 覺得每件事都係以客為先~ 就好似係日本既店子一樣 長枱上有幾款不同既配菜, 辣芽菜係我既最愛!每次當拉麵店有辣芽菜我都會一試究竟, 香香辣辣加上芽菜帶點爽口 沾上拉麵食係個唔錯既開胃菜啊! 招牌熊拉麵(梅頭瘦叉燒) $85見到呢碗麵唔知點解覺得有如置身日本既感覺~~~所以食材放得好美觀的! 雖然拉麵看似簡單但其實卻花費既時間相當之多既一門食品由其係日本有咁多家拉麵店就知拉麵係如此令人愛不釋手的食物之一!湯頭以新鮮豬骨製成, 已經煲至奶白色, 味道相當之濃厚但不會過份重味梅頭瘦叉燒口感比較厚實, 自己幾中意呢個口感的~有咬口而且味道恰到好處, 相比食肥叉燒來得更有口感!拉麵中既青蔥&木耳做成了點綴, 雖然兩者都係脆身但有著不同感覺令到食落增加原有層次, 很好的配撘!! 熊自家煎餃子 $38一客5隻既自家煎餃, 底層煎得燶燶, 內裡包住豬肉 食落相當juicy多肉汁的! 做得不錯雖然香港人未必會覺得呢間店出名, 但味道卻可以留住客人既胃因為在場都有幾多人客, 正明有一定捧場客~整體而言個人覺得性價比幾高的! 再有機會到呢區定必會再黎食! 繼續閱讀
(以上食評乃用戶個人意見 , 並不代表OpenRice之觀點。)
等級2 2017-09-18
261 瀏覽
經過佐敦要搵飯食,見到呢間野成106個Like, 0 Dislike就試下啦。一行兩人,我叫左一碗黑熊、對家叫一碗白熊,再加一份餃子。兩碗湯底試勻,自己比較鍾意食白熊、反而對家鍾意黑熊 (隔離飯香乎?),但只可以話係OK, 未到真係好味。麵質黎講唔錯, 算軟硬適中;隻蛋夠晒流心;木耳呀/ 蔥呀呢D我相信應該每一間拉麵店都差唔多,唔會有D乜大驚喜/ 大驚嚇,餃子就無特別,都係果D。比較好既係蹙台上面都有一壺冰水,冰水溶到無左一半冰佢就會拎走換壺新既,仲要無水喉水味,服而且務同環境都算不俗,唔錯。反而想講一講佢塊叉燒,太鞋、唔入味、唔夠軟身....有D韌添....直頭係敗筆之作! 我有4塊叉燒,去到最尾一塊真係有D唔想食....總括黎講經過一試無妨,慕名而至可免。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-09-16
230 瀏覽
上星期五經過這間拉麵店,看到排隊等候的人很多,想著拉麵的應該質素不差,所以這個星期就決定一試。可能時間才7點,還未有人排隊,不過也剛剛滿客要等一個位置,我們3個人才能入座,等候的時候,店員會給我們點菜單,可以先點好然後入座就能馬上下單,節省時間。店鋪位置不算很多,圍著的吧檯一張及長檯一張,不過店鋪人數不多應該較易控制食物質素吧!一位客人一張點菜單,菜單有兩面,一邊是普通拉麵另一面就是其間限定拉麵。($14)罐裝汽水,店員都配了冰底,令汽水喝下去更冰凍,除了汽水外,店內都有凍水可自己飲用,這樣較像在日本吃拉麵的感覺。($85)招牌熊拉麵,選了火灸肥叉燒,跟普通硬度的幼麵。豬骨味濃但湯底並不太咸,麵質彈牙。($88)元祖魚介豬肉熊拉麵,選了火灸肥叉燒,跟麵質硬的中幼麵。魚介味很香,吃上去令到湯底感覺更濃厚,麵質有口感吃得出分別。由於我們坐在師傅前的吧檯,看到師傅拿起火槍燒叉燒,吃上去火灸叉燒份外有油香感,而叉燒都頗厚,吃得出肉的味道,嫩口香口也有融化的感覺👍🏻。半熟玉子做出來的流心效果不錯👍🏻,另外蛋白吃得出來有用醬油去烹調,咬上去蛋表面有彈牙的感覺。價錢也合理。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-09-14
192 瀏覽
於佐敦的熊拉麵,經常見到門口要等位,今日放工兩點幾黎到,一入黎就有位,真係好。坐正係廚師前面睇住佢整拉麵。有個日本人,唔知係咪老闆呢,好nice 好有禮貌!湯底好濃郁呀!拉麵好幼細,有3種粗幼席可以揀,我揀左中間個款。如果再黎食,我會想試下粗既拉麵。舊叉燒好正,厚肉得黎又唔會好鞋,好似半肥瘦咁,唔會好似其他舖頭咁薄痴痴,有燒過既感覺。但因為我坐正係bar枱,見到佢有用微波爐叮過啲肉。隻蛋都好好食…. 流心到不得了。下次要再黎食!!價錢可接受啦,同其他拉麵店差不多。 繼續閱讀
(以上食評乃用戶個人意見 , 並不代表OpenRice之觀點。)