拉麵達人 (已結業)

果日突然之間好好好想食拉麵，男朋友仔就帶左我黎拉面達人舖面好日本風，都幾吸引，但我淨係好想食拉麵！當日我就係叫左W達人，男朋友就叫左達人拉麵，首先講個湯底先，我叫既w達人，係鏗魚豚骨湯底，個湯底比較"傑"身，聞落好好好香，飲落就有好濃既魚湯味同埋豬骨湯味，但係我就覺果塊豚肉就太肥，食落好膩。另外，我男朋友果個就係達人拉面，湯底就無W達人咁濃，但都好好味，呢個就會比較岩唔食得太濃既朋友仔，正正我男朋友仔就係呢類人，岩哂佢，講下佢塊叉燒，我會比較中意佢碗拉麵個叉燒，好林，又帶D肥肉，食落好有肉味同肉感，好味道。宜家再講下拉麵入面既配料，特別想講下木耳絲同糖心蛋，原來拉麵加入木耳絲係好match 架，口感會豐富D，同可以減一減油膩感。另外，就係個糖心蛋，好糖心，香蛋味，正。就係呢間喇🤘🏻