將神車仔麵

營業中

休息中

今日去完佐敦整指甲，想食車仔麵經過見到呢間就行咗入去食，餐廳嘅裝修都好新淨，仲要有卡位坐。呢樣係好加分，亦都比較少見車仔麵方面我就揀咗玻璃魷魚和爆汁貢丸薯粉底， 湯底方面就揀咗秘製辣汁和腩汁，呢兩樣溝埋一齊係perfect match. 玻璃魷魚超級彈牙爽口， 十分推薦，而且一碗嘅份量都有好多。 而貢丸方面，食得出口感比較紮實，但係真係有爆汁，可以一試。朋友就揀咗蘿蔔，雞翼和炸魚腐，蘿蔔比較硬身，如果可以再煮林少少就更好。雞翼都係一個唔錯嘅選擇味道幾好小食方面， 我就叫咗一個金菇肥牛，涼拌木耳和皮蛋。涼拌小食都係以黑醋汁為底汁，開胃之選。