蝦蝦燒

營業中

休息中

今日同朋友去咗尖沙咀行街 行到咁上下同朋友都覺得好肚餓 所以就周圍搵嘢食 見到呢間蝦蝦燒 好似幾好玩 有得自己捉蝦 自己燒 而且係任食嘅 價錢又大眾化 所以就決定入去食飯熟食小食飲品同埋生嘅食物 全部都應有盡有 而且都幾新鮮 我最欣賞佢嘅牛仔骨 因為新鮮得黎唔太肥膩 而且牛肉味十分重 值得一讚之後就有一個厚切白鱔片 非常富油香 而且鱔嘅鮮味完全滲曬出嚟跟住到今日嘅主角 燒蝦啦 睇相就見到啲蝦好生猛 又大隻 啖啖肉 話明係大頭蝦咁梗係食佢啲蝦膏喇 差唔多每一隻都有蝦膏 而且好甘香鮮甜 蝦肉彈牙爽口 燒完之後脆卜卜 好滿足