五穀豐收 (已結業)

朋友B屋企有工人姐姐，晚晚有住家菜，出街當然鍾意食濃味嘢。我就啱啱相反，大部份時間要出街食飯，所以偶爾都希望搵間健康啲嘅餐廳。趁朋友B唔喺度，我諗都唔使諗，一定要過嚟食番餐「住家晏」。揀一個餸，自動會拼蒸豆腐，碗飯可以揀五穀飯或者菜飯。蒸豆腐 好似BB肌膚咁滑嘅豆腐， 唔會好鹹，亦冇乜油， 符合少鹽少油嘅健康原則，我未影相就忍唔住食左啖青檸豬扒 唔好期望豬扒有檸檬醃味，豬扒輕輕炸過，可自行唧d 青檸汁解油膩野味雞 只係少少花生味 少少辣味 唔好以為好似口水雞咁濃味嗰餐 $52 已包左一杯飲品或甜品 ，呢個咁抵嘅價錢，絕對唔可以對甜品質素抱有太高嘅期望。好多甜品鋪，閒閒地都要$30或以上先有碗似樣嘅糖水。今次要左薑汁燉奶 ， 薑汁比奶味重，算滑，不過不失。嚟得呢度食，最好預左食物味道比較淡，相對少鹽少油呀嘛。唔介意冇咁健康，你可以叫呢度嘅雞翼。 專程嚟食甜品嘅話，你好大機會失望。另外，你仲要忍讓下，事關座位比較逼。呢個價錢就可以食得均衡，有肉有菜有豆製品，算唔錯啦。