影片
更多
2020-10-09
624 瀏覽
今日放咗工就約咗同事去附近一間西餐食飯～我地平時放lunch 散步都會見到佢覺得好精緻，今次就一齊黎試喇～～～餐廳有兩層，下層位置唔算多，上面應該多位好多！今次我地被安排喺下面，一黎到店員好主動比menu我地同埋介紹當日推薦菜～～Daily soup：呢日餐湯係粟米忌廉湯，非常濃稠，有滿滿粟米嘅清甜味，配料仲有香脆嘅麵包粒，增加不同嘅口感。Beets and Cheese Salad ：Beets and Cheese Salad用上菲達芝士，入口即化，其奶香味與紅菜頭所帶嘅清新味道，相互配合，再加上黑醋和餐廳自製的沙律醬，更有另一番風味。卡邦尼意粉，傳統西餐經典菜式，意大利煙肉較為厚身，其油香肉味亦非常突出，為意粉增添上不同口感和味道，而意粉口感滑身，醬汁濃稠，每條意粉都帶住滿滿嘅醬汁，非常creamy 。Daily Fish Market papillote：呢個係一款非常傳統嘅法國菜，而flagship完全能夠做到法國傳統味道，食材用料亦非常講究，每日均會去街市選購，保證食材嘅新鮮度。而呢道菜功夫亦非常繁複，如要將魚細心起骨，然後將其表面煎到香脆可口，淋上特製汁醬，再用上香草，檸
餐廳有兩層，下層位置唔算多，上面應該多位好多！
今次我地被安排喺下面，一黎到店員好主動比menu我地同埋介紹當日推薦菜～～
Daily soup：呢日餐湯係粟米忌廉湯，非常濃稠，有滿滿粟米嘅清甜味，配料仲有香脆嘅麵包粒，增加不同嘅口感。
Beets and Cheese Salad ：Beets and Cheese Salad用上菲達芝士，入口即化，其奶香味與紅菜頭所帶嘅清新味道，相互配合，再加上黑醋和餐廳自製的沙律醬，更有另一番風味。
卡邦尼意粉，傳統西餐經典菜式，意大利煙肉較為厚身，其油香肉味亦非常突出，為意粉增添上不同口感和味道，而意粉口感滑身，醬汁濃稠，每條意粉都帶住滿滿嘅醬汁，非常creamy 。
Daily Fish Market papillote：呢個係一款非常傳統嘅法國菜，而flagship完全能夠做到法國傳統味道，食材用料亦非常講究，每日均會去街市選購，保證食材嘅新鮮度。而呢道菜功夫亦非常繁複，如要將魚細心起骨，然後將其表面煎到香脆可口，淋上特製汁醬，再用上香草，檸檬，薯仔，同時令嘅瓜果切片鋪在魚塊嘅底和面上，再用紙將其包裹密封烤焗。
紙包魚味道豐富，魚肉吸收左醬汁嘅味道外，仲有香草味，檸檬嘅清新味，而檸檬亦可辟除魚肉嘅腥味，魚肉口感亦做到鮮嫩多汁，外皮仍保持香脆，個人認為呢間餐廳呢個菜做得非常好。
檸檬撻：餐廳自家鮮製，檸檬香氣撲鼻，撻皮脆身，無因為其吉士醬嘅關係變淋，而味道亦得宜，不會太甜太酸，是款清新脫俗嘅甜品，可為整餐晚飯帶來完美嘅句號。
張貼
