影片
更多
2021-08-15
330 瀏覽
朋友一直都好想試呢間日本料理，但係每逢晚市厚福街就會好多人，冇book到枱嘅我地唔想等枱，於是6點幾就到餐廳，我地食到一半就full曬枱，即刻覺得好彩有早少少到。餐廳環境幾舒服，雖然細但唔迫，墻上有掛一塊黑板寫上廚師推介，有選擇困難症嘅我地，於是就係上面揀左2樣野食試下。鮮帶子海膽手卷 香蔥吞拿魚腩手卷2個手卷相當出色，海膽勁creamy，配埋帶子，甜上加甜，吞拿魚腩口感都好綿密肥美。銀鱈魚刺身 女梶木刺身呢2款都係廚師推介塊黑板上面揀的，右邊厚切嘅係女梶木，問左師傅後先知道原來就係劍魚腩，口感厚實爽口，清甜而不油膩，咀嚼間會感受到油脂係舌頭上融化開，整體口感清爽，而且好新鮮，一啲都唔腥，係高質嘅白身魚。而銀鱈魚都唔錯，肉質同樣嘅爽口鮮甜，完全冇筋，一咬即斷。甲羅燒呢個要趁熱食，脆脆嘅麵包配上濃郁嘅蟹膏蛋黃漿，香濃鮮美，不過一上枱要即食，如果唔係麵包好易腍。辣酒煮廣島蠔呢個湯夠辣，夠曬開胃，食得多煎炸香濃嘅野覺得膩嘅話，飲下呢個湯，戰鬥力又翻曬黎。明太子雞翼作為雞翼迷嘅我當然覺得好味，而且雞翼去左骨，再係肉入面塞明太子，好方便食用。軟殼蟹天婦羅發揮出色，炸得啱啱好，外皮香口薄脆，食得到
朋友一直都好想試呢間日本料理，但係每逢晚市厚福街就會好多人，冇book到枱嘅我地唔想等枱，於是6點幾就到餐廳，我地食到一半就full曬枱，即刻覺得好彩有早少少到。
餐廳環境幾舒服，雖然細但唔迫，墻上有掛一塊黑板寫上廚師推介，有選擇困難症嘅我地，於是就係上面揀左2樣野食試下。
鮮帶子海膽手卷 香蔥吞拿魚腩手卷
2個手卷相當出色，海膽勁creamy，配埋帶子，甜上加甜，吞拿魚腩口感都好綿密肥美。
銀鱈魚刺身 女梶木刺身
呢2款都係廚師推介塊黑板上面揀的，右邊厚切嘅係女梶木，問左師傅後先知道原來就係劍魚腩，口感厚實爽口，清甜而不油膩，咀嚼間會感受到油脂係舌頭上融化開，整體口感清爽，而且好新鮮，一啲都唔腥，係高質嘅白身魚。而銀鱈魚都唔錯，肉質同樣嘅爽口鮮甜，完全冇筋，一咬即斷。
甲羅燒
呢個要趁熱食，脆脆嘅麵包配上濃郁嘅蟹膏蛋黃漿，香濃鮮美，不過一上枱要即食，如果唔係麵包好易腍。
辣酒煮廣島蠔
呢個湯夠辣，夠曬開胃，食得多煎炸香濃嘅野覺得膩嘅話，飲下呢個湯，戰鬥力又翻曬黎。
明太子雞翼
作為雞翼迷嘅我當然覺得好味，而且雞翼去左骨，再係肉入面塞明太子，好方便食用。
軟殼蟹天婦羅
發揮出色，炸得啱啱好，外皮香口薄脆，食得到啖啖軟殼蟹鮮甜嘅肉。
日本白粟米
呢款水果粟米清甜冇渣，當係飯後甜品，就完美咁結束呢一餐。
張貼
