滾得囍宮廷火鍋小炒 (已改名) 查看

今日黎北角去左一間裝修好特別既火鍋店打邊爐，門口已經感受到果種宮廷feel既感覺，朋友仔都覺得好特別話要快啲入去試吓😂💥食物💥1️⃣湯底有10幾種選擇，我哋點左順治特色卜卜蜆鍋$198: 又係一個要快影相嘅湯底，事關又係我最愛煙霧離漫😍蜆嘅份量真係超級多，估計應該有50至60隻😳蜆肉冇沙，湯底味道清甜，但係我唔覺得有少少既辣味。2️⃣滾得囍宮廷拼盤10粒$138: 分別有五種唔同味道～（黑松露野菌鮮蝦丸/珍珠帶子墨魚丸/菠菜豬肉丸/芝心牛肉丸/墨汁墨魚丸）我就比較鍾意❤️iris推薦係黑松露鮮蝦丸&芝心牛肉丸心，味道就比較突出款式特別❤️3️⃣鹿兒島日本黑豚肉$168: 擺盤用掛起方式好吸引，油脂分布平均，口感鬆軟。4️⃣花雕雞件$88: 雖然係用花雕酒，但入口酒味唔算好重，雞肉好嫩滑唔柴口。5️⃣竹蔗茅根一渣$68:打邊爐配埋竹蔗茅根就唔使怕熱氣啦，有冷熱選擇！💥環境💥裝修模仿古代宮廷，另外仲有一張聖旨，連個邊爐鍋都好有feel，值得打下咭！坐位都好舒服，抽風效果都幾好唔會焗。💥服務💥一坐低就見到前面有個煲熱既鍋洗緊碗筷，店員全程會幫你洗唔需要自己出手👍🏻同埋職員嘅態度好好，唔會黑面同埋有笑容。