影片
更多
2020-03-04
580 瀏覽
今日同男朋友無無聊聊行到過黎大角咀，打算係度搵下野食。見埃華街都有好多選擇，不過我就比呢一間裝修得好台式既小餐廳吸引左。佢裝修都好新淨，又好有台式風味。menu雖然只係一張紙，但係選擇都好多，一般要有既台灣夜市食品佢都有。飲品我地先點左一杯蜂蜜愛玉，係香港真係好少飲到正宗既蜂蜜愛玉！呢間個味同台灣好似呢，都好夠酸。食到一半我地加左一杯愛文芒綠茶，我同男朋友一致好評。愛文芒比起我地普通飲到既芒果係會酸小小，而通常係香港好難飲到正宗愛文芒呢！至於主菜，我就叫左一個大腸麵線。大腸麵線嘅大腸洗得乾淨，亦都軟硬度剛剛好。麵線調味係比較貼近台式街頭小食嘅味道。男朋友就叫左一個嘉義雞肉便當，佢食完之後讚不絕口，話雞肉非常鮮嫩，配菜亦都夠多，非常有台式風味。二至於小食，好想隆重推介呢一個鹽酥雞。我同男朋友都認同，呢一個鹽酥雞係我哋喺香港食過最好味嘅鹽酥雞。雞肉十分鮮嫩，炸皮亦唔會好油膩，夠脆；調味啱啱好，上面仲配上一啲炸過嘅香菜，而佢都係30幾蚊，平過好多連鎖店。另一份小食甜不辣，喺香港好少見。其實佢係一種彈牙，有口感既小食，呢度都整得唔錯，調味方面同樣用咗椒鹽。最後我哋仲再加多左一個芋泥蛋餅，係呢間
menu雖然只係一張紙，但係選擇都好多，一般要有既台灣夜市食品佢都有。
飲品我地先點左一杯蜂蜜愛玉，係香港真係好少飲到正宗既蜂蜜愛玉！呢間個味同台灣好似呢，都好夠酸。食到一半我地加左一杯愛文芒綠茶，我同男朋友一致好評。愛文芒比起我地普通飲到既芒果係會酸小小，而通常係香港好難飲到正宗愛文芒呢！
至於主菜，我就叫左一個大腸麵線。大腸麵線嘅大腸洗得乾淨，亦都軟硬度剛剛好。麵線調味係比較貼近台式街頭小食嘅味道。男朋友就叫左一個嘉義雞肉便當，佢食完之後讚不絕口，話雞肉非常鮮嫩，配菜亦都夠多，非常有台式風味。二
至於小食，好想隆重推介呢一個鹽酥雞。我同男朋友都認同，呢一個鹽酥雞係我哋喺香港食過最好味嘅鹽酥雞。雞肉十分鮮嫩，炸皮亦唔會好油膩，夠脆；調味啱啱好，上面仲配上一啲炸過嘅香菜，而佢都係30幾蚊，平過好多連鎖店。
另一份小食甜不辣，喺香港好少見。其實佢係一種彈牙，有口感既小食，呢度都整得唔錯，調味方面同樣用咗椒鹽。
最後我哋仲再加多左一個芋泥蛋餅，係呢間鋪頭嘅推介。果然係冇推介錯，我本身就係一個芋頭控，佢呢排蛋餅非常足料，有滿滿嘅芋泥，芝士，同埋肉鬆。我哋都認為如果一個女仔就咁食呢份嘢應該都夠飽一餐。正
埋單兩個人$230，呢一個價錢喺香港食台灣野絕對唔係貴，而且呢一間仲有咁多香港少有嘅台式嘢食，口味亦都正宗，絕對推介。
張貼
