台蔡滷肉飯

營業中

休息中

有一段時間都冇落嚟荃灣食嘢！難得落到嚟路徳圍，見到台蔡滷肉飯都仲排緊隊，就食吓台式嘢啦！每次嚟到當然要有一碗滷肉飯啦，滷肉脂肪比例重，口感嫩滑，配菜都好入口味！九層塔鹽酥雞份量極多😮見到都嚇一嚇，醃得好味，外皮好酥脆，內裡確實係Juicy。花雕酒麻油雞湯麵平時都係只食滷肉飯，今次就想試下湯麵一嚟到聞到好香藥膳味道，伴隨淡淡麻油味，食嘅味道亦都同上，反而花雕味唔算重。不過可能温度唔夠熱嘅關係，只能話係暖，好快成碗凍咗，之後就只食到較苦同甘嘅味，如果温度可以熱啲，相信可以食到尾。麵質係可以的，口感爽滑彈牙👍🏻肉鬆起司蛋餅表面係酥皮口感，又幾得意，咬落去蛋同芝士夾起嚟好香，每一啖都係足料嘅👍🏻而個醬汁都好好味，食落另人開胃👍🏻👍🏻大紅袍珍珠奶茶當然唔少得，要飲返杯珍奶茶味極香，奶偏重，少甜飲落清香珍珠份量還好，不過可能夜晚關係珍珠都黏咗一齊令到有部分珍珠都啜唔到，口感偏腍。