影片
更多
2012-09-08
155 瀏覽
我地雖然係觀塘返工, 好多時都唔方有d咩野高級野食, 最多咪去下聘珍咁...今次同事告知公司附近開左間酒店, 試食左次lunch話都ok, 係semi lunch buffet, salad任食, 跟住就正常有湯,main course同飲品甜品一客...我地相約一大伙兒去食下啦...係公司行去都唔使十分鐘, 估唔到係工業區入面,竟然起左一座如心o既酒店, 唔講都好似冇乜人知...lobby好細, 好似台灣d細酒店咁, 上到餐廳入去個格局都有d style下...深色為主, 少少grand, 我地坐果邊位上蓋係露天, 坐落都幾舒服呀...waiter比menu我地睇, 係用ipad, 都係第一次見...佢講比我地知有咩main course揀, 好似都係兩三款, 一係魚生飯, 一係牛扒, 我地個個都揀左牛扒...跟住就出去沙律bar度拎野食...都唔係好多野揀, 有煙三文魚啦, 幾款沙拉菜, 沙拉汁, 一球球o既薯蓉, 南瓜, 彩椒, 火腿片咁, 我就拎左薯蓉, 南瓜同少少菜啦. 個薯蓉就真係幾好食喎,雖然明知飽...食完一個都再拎多個食, 好滑呀, 應該落左d奶, 南瓜都ok, 食左
係公司行去都唔使十分鐘, 估唔到係工業區入面,竟然起左一座如心o既酒店, 唔講都好似冇乜人知...lobby好細, 好似台灣d細酒店咁, 上到餐廳入去個格局都有d style下...深色為主, 少少grand, 我地坐果邊位上蓋係露天, 坐落都幾舒服呀...waiter比menu我地睇, 係用ipad, 都係第一次見...佢講比我地知有咩main course揀, 好似都係兩三款, 一係魚生飯, 一係牛扒, 我地個個都揀左牛扒...跟住就出去沙律bar度拎野食...
都唔係好多野揀, 有煙三文魚啦, 幾款沙拉菜, 沙拉汁, 一球球o既薯蓉, 南瓜, 彩椒, 火腿片咁, 我就拎左薯蓉, 南瓜同少少菜啦. 個薯蓉就真係幾好食喎,雖然明知飽...食完一個都再拎多個食, 好滑呀, 應該落左d奶, 南瓜都ok, 食左頭盤都飽飽地, 少少滯喇...仲有籃包, 我都係食左一條長o既...都幾軟熟, 湯係甘筍忌廉湯, 一般般啦...唔夠smooth..都main course喇...一舊牛扒, 拳頭咁大, 都厚身, 不過原來內有乾坤, 入面釀左d莧菜係度, 整到個牛扒脹卜卜, 其實我覺得d菜同塊牛扒一d都唔夾, 如果係釀落雞or豬都可接受, 但釀左落牛扒就麻麻喇,多此一舉左....牛扒都冇乜牛味, 雖然叫7成熟,但唔juicy...有d 韌, 多左d筋咁...麻麻地....伴菜係炸茄子, 特別少少, 可惜咁會比較油...
甜品係黑白朱古力蛋糕, 賣相幾好,食落普通, 都smooth不過朱古力味濃d會好d...餐飲揀左熱咖啡, 心諗酒店咖啡應該唔失禮得去邊, 但失望左...苦澀味重左, 麻麻...
個餐190一位, 加埋一都210, 冇任何discount...地點以觀塘黎講就唔底喇, 去酒店的話, 可以加左幾十蚊去第二間食一個正常o既lunch buffet, 會更多野食...而main course係失色左...如果係想遊閒d, 舒舒服服坐下傾下計都還可以, 因為觀塘區周圍都好多人, 好嘈...
張貼
