影片
更多
2021-12-29
64 瀏覽
想食燒肉又唔想食放題，朋友就推介左我黎食燒肉臻🤣估唔到一嚟到超級熱鬧，幾乎滿座😆😆-好彩朋友提早book定位，我同朋友就獲安排坐喺吧枱，見到前面有一個細細的燒烤爐，幾特別🤣除咗個爐好吸引之外，我仲比出面嘅清酒吸引咗😻店員推介我哋可以試下一個90分鐘清酒放題$248，除咗有18種清酒可以任飲之外，仲可以揀罐裝汽水同埋兩款自家製飲品😋淨係飲嘢都好滿足呀🥳-除咗飲品之外，呢度嘅燒肉都係王牌，食得燒肉當然唔少得佢哋嘅汁，分別有芝麻燒汁點紅肉，柚子胡椒點海鮮同埋蕃茄酸汁點內臟，令到食物更加有層次😋-1.日本和牛腸仔 $48呢條腸仔超級Juicy,一咬落去真係爆曬啲汁出嚟🤣🤣唔知係咪和牛嘅關係，肉味真係特別濃郁😋-2.日本雞心 $58 柚子雞腿 $78雞心我自己就比較少食，但係一場嚟到就試吓啲特別嘅內臟啦🤣雞心用咗燒汁黎醃，估唔到食落去嘅口感有少少似雞腎，但係相對上冇咁爽脆，淋啲易咬啲👍柚子雞肉嘅份量都幾多，醃得幾入味，柚子味好香😻-3.牛肉盛合 $368基本上係每台必點嘅一樣食物，所以我哋都唔執輸🤣牛肉嘅質素好靚，當中亦都包含油脂比較豐富嘅和牛👍😋不過我覺得最特別嘅都係牛心，真係從來都未食過，估
-
好彩朋友提早book定位，我同朋友就獲安排坐喺吧枱，見到前面有一個細細的燒烤爐，幾特別🤣除咗個爐好吸引之外，我仲比出面嘅清酒吸引咗😻店員推介我哋可以試下一個90分鐘清酒放題$248，除咗有18種清酒可以任飲之外，仲可以揀罐裝汽水同埋兩款自家製飲品😋淨係飲嘢都好滿足呀🥳
-
除咗飲品之外，呢度嘅燒肉都係王牌，食得燒肉當然唔少得佢哋嘅汁，分別有芝麻燒汁點紅肉，柚子胡椒點海鮮同埋蕃茄酸汁點內臟，令到食物更加有層次😋
-
1.日本和牛腸仔 $48
呢條腸仔超級Juicy,一咬落去真係爆曬啲汁出嚟🤣🤣唔知係咪和牛嘅關係，肉味真係特別濃郁😋
-
2.日本雞心 $58 柚子雞腿 $78
雞心我自己就比較少食，但係一場嚟到就試吓啲特別嘅內臟啦🤣雞心用咗燒汁黎醃，估唔到食落去嘅口感有少少似雞腎，但係相對上冇咁爽脆，淋啲易咬啲👍柚子雞肉嘅份量都幾多，醃得幾入味，柚子味好香😻
-
3.牛肉盛合 $368
基本上係每台必點嘅一樣食物，所以我哋都唔執輸🤣牛肉嘅質素好靚，當中亦都包含油脂比較豐富嘅和牛👍😋不過我覺得最特別嘅都係牛心，真係從來都未食過，估唔到食落去其實同牛肉嘅口感差唔多🤣🤣而且牛脷都好厚切，正😆
-
4.甲羅燒 $98
除左燒肉之外，仲叫咗其他送酒嘅小食😋呢個甲羅燒即叫即燒，份量好大，加埋梳打餅食冇咁鹹，送酒好正🥳
-
5.鹽燒油甘魚鮫 $158
又係喺我哋面前即叫即燒，燒得好香，啲油份逼哂出黎😋呢個油甘魚鮫好大，啖啖肉😻
-
6.燒日式魚乾 $78
燒日式魚乾又係送酒嘅佳餚😆唔需要特別嘅調味，淨係將燒完嘅魚乾加入沙律醬，食到原汁原味之餘，又可以提鮮😻
-
7.活帆立貝 $98
呢個帆立貝見到真係即刻嘩一聲，佢嘅size大過隻手掌，加入牛油燒，好香，而且半生熟一啲都唔韌🤤
-
8.溫泉蛋豆腐沙律 $68
食完燒肉叫咗個沙律解解膩～估唔到豆腐好正，好滑，而且豆味好香濃🤤溫泉蛋汁撈埋啲沙律，好香蛋黃味😆
-
9.法國芬大奇 NO.2 $232
食到最尾見到隔離枱嗌左一打生蠔，個樣唔錯所以我哋就叫咗四隻黎試吓🤣估唔到真係幾新鮮，可以配埋土佐啫喱，夠哂Creamy👍
張貼
