影片
更多
2019-09-24
56 瀏覽
行行下見到街邊呢個易拉架，就好隨意影底咗唸住遲啲去食，但行多兩步就見到搵呢間餐廳啦😂門口見到有好多相片，都好似唔錯，所以我同朋友就入咗去啦😂😂坐底咗之後就上黎openrice望下有咩推介，原來有好多唔同嘅特色燒物架！最吸引我係低溫無骨燒乳鴿呀，唸咗好耐點無骨法呢真係好精美，未試過食乳鴿係咁方便個乳鴿胸啖啖肉架，仲唔會好似平時咁食到污糟邋遢，用筷子就可以食晒成隻乳鴿用低溫燒乳鴿，表皮都係脆卜卜，而入面仲保留番 肉汁！墨西哥薄餅芝士雞肉薄餅好脆，入面包住芝士及雞肉，即叫即整，熱辣辣芝士可以做到拉絲，仲拉到有部電話咁高蒜蓉燒扇貝一份一隻，但一隻已經好大粒，成粒macaron咁大同咁厚。本身擔心會好韌，但出奇地入面仲係juicy，彈牙有口感西班牙黑毛豬肋串呢個部位比一般燒豚肉再彈牙啲，點埋泰式甜酸醬更好味！煙肉蘆筍卷煙肉同蘆筍一正一反咁，完美配合！（如果有埋蜜糖蘋果醬就好啦🤤）蒜蓉燒茄子（原條）燒茄子可以選擇原條或者切片，我當然喜歡原條多啲啦！一絲絲咁自己扯出黎，係好味啲架！蒜蓉醬夠多，可以確保每一條絲都夠味道！燒菠蘿用新鮮菠蘿架，而唔係罐頭菠蘿，健康啲之餘，仲fresh啲呢度甜品都有呀，同埋
唸住遲啲去食，但行多兩步就見到搵呢間餐廳啦😂
門口見到有好多相片，都好似唔錯，所以我同朋友就入咗去啦😂😂
坐底咗之後就上黎openrice望下有咩推介，原來有好多唔同嘅特色燒物架！最吸引我係低溫無骨燒乳鴿呀，唸咗好耐點無骨法呢
真係好精美，未試過食乳鴿係咁方便
個乳鴿胸啖啖肉架，仲唔會好似平時咁食到污糟邋遢，用筷子就可以食晒成隻乳鴿
用低溫燒乳鴿，表皮都係脆卜卜，而入面仲保留番 肉汁！
墨西哥薄餅芝士雞肉
薄餅好脆，入面包住芝士及雞肉，即叫即整，熱辣辣
芝士可以做到拉絲，仲拉到有部電話咁高
蒜蓉燒扇貝
一份一隻，但一隻已經好大粒，成粒macaron咁大同咁厚。本身擔心會好韌，但出奇地入面仲係juicy，彈牙有口感
西班牙黑毛豬肋串
呢個部位比一般燒豚肉再彈牙啲，點埋泰式甜酸醬更好味！
煙肉蘆筍卷
煙肉同蘆筍一正一反咁，完美配合！（如果有埋蜜糖蘋果醬就好啦🤤）
蒜蓉燒茄子（原條）
燒茄子可以選擇原條或者切片，我當然喜歡原條多啲啦！一絲絲咁自己扯出黎，係好味啲架！蒜蓉醬夠多，可以確保每一條絲都夠味道！
燒菠蘿
用新鮮菠蘿架，而唔係罐頭菠蘿，健康啲之餘，仲fresh啲
呢度甜品都有呀，同埋佢地會好似食西餐咁，甜品會後上
燒日本番薯及燒香蕉朱古力
番薯仔係紫心番薯，細細粒，甜甜地，粉粉地，高質！
原條香蕉燒，燒完嘅香蕉好甜，入口即溶，如果燒香蕉做香蕉船，一定好好味！
呢度嘅燒物令我對串燒改觀咗，原來可以新穎咁多！
張貼
