威風百麵 (已結業)

估唔到舖位前身既新川米線無聲無息地執笠，實在有啲可惜。經過新接手既威風百麵幾次，上星期食完一次，今日決定encore 。第二次食，水準都保持到。先講份量，每碗嘅餸都想分量十足，魷魚入味爽口，有八至十件。蘿蔔清甜，金錢肚夠林夠味，上海麵唔會過淋，有咬口。價錢上係比其他車仔麵貴少少，不過有甜品送真係值回票價。甜品食過椰皇三重奏、tiramisu 、焦糖燉蛋，味道唔錯，喺麵舖有西式甜品食好有驚喜。店員有禮，抹枱有用滴露噴枱，比周邊其他小店企理得多。會再幫襯😋希望佢做得住！